نبضات تائهه وتين ج٢ للملكه ياسمين الهجرسى

تحاول أن تسيطر على مشاعرها و نبضات قلبها التائهه بين كرامتها وحبيب عمرها  
هبطوا الى أسفل كان الجميع أمام غرفه العناية منتظرين خروج ابرار من غرفه العنايه لكي تطمئنهم على يعقوب
ألقوا التحيه وأمعنت كريمه النظر ل صبا وهتفت تسأل بقلق 
ليه مدخلتيش ياحبيبتى ل يعقوب
ردت صبا تطمأنها 
مفيش حاجه ياماما متقلقيش انا واقفه منتظره خروج طنط ابرار عشان مينفعش أكتر من واحد جوه الأوضه 
فى نفس الأثناء اقترب منهم الشباب يهرولون بقلق 
تحدث راكان بفزع وهو يمسك كف والده احمد 
بابا هو في ايه! 
يعقوب حصل له حاجه 
كانت يده تضغط على كف والده بقوه دليل على عصبيته وتوتره 
نظر أحمد الى كف يده وملامح وجهه المرتعبه وهتف يطمئنه قائلا 
أخوك الحمد لله فاق ومامتك دخلت عنده عشان تطمن عليه 
ابتسم وهو ينحني على كف يدي والده يقبله باحترام ثم سجد سجدت شكر الى الله على فضله وجوده عليهم في شفاء أخوه 
واخيرا خرجت ابرار وهي تبتسم وتبكي في نفس الوقت 
تطلعت فى وجوه الجميع بحبور يشع وجهها راحه وسکينه بعد أن اطمئنت على ولدها 
وحولت نظرها ل صبا بسعاده اجتاحت روحها وسحبتها وأمسكت كف يدها هاتفه 
ادخليله هو حس بيا وأكيد قلبه هيحس بيكي 
دنت من اذنها تهمس لها 
إن شاء الله أول ما يخف ويقوم بالسلامة هعملكم فرح العالم كله يحلف به 
انهمرت دموع صبا وهي ترتمي في أحضان أبرار هاتفه 
الحمد لله ان شاء الله يا طنط يقوم بالسلامه المهم يكمل شفاه على خير وكل حاجه بعد كده تمشى زى ما هو يحب 
ابتعدت قليلا وقالت مبتسمه 
بعد اذنك هدخل اطمن عليه وتركتها ودلفت الى غرفه العنايه 
اقترب أحمد من أبرار وأخذها في أحضانه ودنى يطبع قبله على مقدمه راسها 
اندفع يونس بخطوات متلهفه دموعه تسيل كزخات المطر بسط ذراعيه يحتضن والدته ووالده 
دعت لهم الحاجه فردوس هاتفه 
ربنا يقومه لك بالسلامه يا ابرار وما يبعدك ولا يفرقك يا يونس عن اخوك يا حبيبي 
خرج من أحضان والديه يمسح على وجهه بكفيه يزيل بقايا الدموع واقترب منها وطبع قبله على مقدمه رأسها قائلا 
صدقيني يا جدتي ربنا نجانا عشان أنتي في وسطنا وإن شاء الله جدي هيقوم بألف سلامه وهتشوفي وتقولي الواد يونس الخلبوص قال 
وأكمل غامزا على طرف عينيه بمرح 
بس خافي يتجوز عليكى 
ضړبته بخفه على وجنته قائله 
لو كان يلاقي شعره من شعر فردوس علي اي ست كنت انا أجوزهاله 
ضحك راكان بمشاكسه قائلا 
هو في شعر زي شعرك يا دوسه 
ظل الجميع يضحك عليهم 
اعتدل بوقفته يتطلع حوله ليضيق راكان ما بين حاجبيه قائلا باستفهام 
فين البنات!
رد عليه أحمد مطمئنا 
نزلوا يجيبوا لنا قهوه من الكافتيريا
وقبل أن يكمل كلامه اقتربوا منهم بالقهوه وزجاجات المياه المعدنيه 
رفع يديه فى الهواء مشيرا عليهم قائلا 
أهدى ما تقلقش أهوم جم ياعم راكان خلاص مالك كل حاجه بقيت تاخدها على أعصابك 
تحدث وعينيه تختلج باضطراب نحو البنات قائلا 
ڠصب عنى ياولدى انا مش لاحق أفوق لو وحده فيهم حصلها حاجه انا مش هقدر أعيش ولا هقدر أسامح نفسى على تقصيري ناحيتهم 
ربت أحمد على ظهر راكان بهدوء يبث له الطمأنينه قائلا 
سيبها على الله كلا لا يصيبنا إلا ما كتب الله لنا 
ليرد راكان
ونعم بالله
وقفت الفتيات تنظر إلى بعضهم بإندهاش من تغيير ملامحهم التى يرتسم عليها السعاده عكس ما كانوا عليه منذ قليل 
اقتربت وتين هاتفه
قولوا لي سبب السعاده اللى على وششكم إن يعقوب بقى كويس وهنسافر القاهره 
هز راكان رأسه مجيبا بحب قائلا
الحمد لله ان شاء الله في اقرب وقت ننتهى من الکابوس ده قولى يا رب 
اقترب جلال من أحمد و أبرار التي تستند علي كتفه قائلا 
حمدالله على سلامته ويارب يتمم شفاه على خير يا رب 
هز أحمد رأسه مؤمنا على دعوته قائلا 
إن شاء الله يا جلال وربنا يطمنك علي الحاج يارب 
قطعت حديثهم فهيمه ساخره 
آه طبعا وأنت أكتر واحد يهمه الحاج يقوم بالسلامه ما هو أنت أصلا السبب في مرضه 
أقتربت منها كريمه ويكسو ملامحها القلق من إفشاء سر زوجها أمام الجميع هتفت بتوجس 
مش وقته خالص الكلام ده يافهيمه
هزت فهيمة رأسها بامتعاض مردفه 
وهو مين اللي هيدافع عنه غيرك 
نظرت لها كريمه هاتفه وهي تخفض صوتها 
أبوس رجلك مش وقته خالص اللي انتي عايزه تعمليه ده 
رفعت لها فهيمه حاجبها وهي تذم فمها على جانب هاتفه 
وعلى ايه لا وقته ولا مش وقته أنا سيبها لك خالص ونازله الجنينه 
وتركتهم وغادرت تحت أنظار الجميع من تصرفاتها التى كل مدى تثبت بجداره إنها لن تغير من طباعها وسلاطة لسانها حتى بأحلك الظروف 
بينما العاشق المجروح فى كرامته والمطعون فى قلبه كان يشاهد ما يحدث في صمت وعيونه تحتضن وردة بستان حياته 
حتي آخر وقت يريد أن يحفر صورتها داخل قلبه لا يريد قطفها من جنته التى طالما تخيلها تتوغل بعطرها الفواح تنشر بين ثناياه شذى عبيرها الذى أهلكه منذ أن وقعت عينيه عليها 
أما ورده كانت تتهرب من نظراته بحيره وۏجع وحزن على ما فعلته بقلوبهم 
اقتربت صفا منها وأمسكت يدها وسحبتها معها بعيدا عنهم هاتفه 
هو انا ممكن اعرف هو في ايه وايه اللي حصل وماله زياد زعلان ليه وانت كمان مش مظبوطه بقالك فتره بس انا مش عارفه اتكلم معاكي بسبب الظروف اللي بنطلع منها وبيستنينا اللي أبشع منها 
هزت ورده براسها والدموع تتجمع في عينيها هاتفه 
ما فيش اي حاجه كل ما في الامر ان انا وزياد هنسيب بعض 
ابتلعت ريقها واكملت 
اتفقت معاه هيطلقني 
شهقت صفا بصوت عالى مما آثار انتباه الجميع 
خطت واقتربت منهم وتين بلهفه تسألهم عن سبب توترهم بهذا الشكل مردفه 
مالكم فى ايه شكلكم اتغير فاجئه ليه  
تكلمت وهي تنقل نظرها بينهم بحيره وريبه من أمرهم 
ظلت صفا تنظر بلوم وحسره على ورده 
ثم اكملت حديثها پغضب 
هتتكلمي انتى ولا احكي لها انا 
الى هذا الحد نفذ صبر وتين وهتفت بصوت عالي 
هو انتم الاثنين هتتعازموا على بعض مين يقول يعنى محدش عايز يتكلم ويقول مالكم 
ردت عليها ورده بإقتضاب وتهكم مردفه 
انا وزياده هنسيب بعض  
ومش عارفه ايه اللي وتر صفا بالشكل ده 
جحظت عين وتين وهزت راسها بيأس من تدهور الأمور
اكيد انتى بتهزري استحاله تكونى فى وعيك ومدركه للكلام الى انتى بتقوليه  
أينعم انتى متغيره بقالك فتره وقولنا ده طبيعي بسبب وفاه والدك  
بس ايه السبب عشان يخليكي تطلبي الطلاق 
صمتت تزفر أنفاسها المتلاحقه لتعاود الكلام مره اخرى
زياد بيحبك پجنون واللي متاكده منه أكثر أنك بتحبيه بهوس 
يبقى فين المشكله كلنا بنمر بأزمات وأنتى شايفه دي اكبر ازمه
كلنا بنمر بيها مش معنى كده اننا نهد حياتنا بسهوله او عشان اټصدمنا يبقى لازم نسيب الناس اللي بنحبهم وبيحبونا 
تابعت وهتفت بتريث تحثها على التروى فى قرارها هاتفه 
اسمعي يا ورده دي هتبقى غلطه عمرك وهتعيشي اللي باقي منه بتدفعي ثمنها خدى وقتك وعيدى حساباتك من تانى القرار ده هيدمر الباقى من حياتك بلاش تخسرى الإنسان اللى حبك من صميم قلبه بدون قيد ولا شرط قبل بيكى وبكل الظروف اللى محوطاكى 
أغرقت الدموع مقلتيها وانحدرت تسيل على وجنتيها بغزاره 
واخيرا تحدثت ورده وهى تحاول كتم شهقاتها من الألم الذى يجتاح قلبها هاتفه 
هو انتم مفكرين اللي انا عشتوا ده سهل عارفين يعني أيه تعيشوا عمركم كله مشتتين 
متخيلين أن أمكم تكون مذنبه وأنها السبب في بعد أبوكوا عنكم 
وفي الاخر تتفاجئوا إنهم رجعوا لبعض 
استرسلت بۏجع 
والحقيقه اللى كنت بدور عليها عشان اعرف اكمل الباقى من عمرى تاهت وماټت مع ابويا 
مين فيهم الظالم و مين فيهم المظلوم 
انا مبقتش عارفه ولا فهمه حاجه بس كل اللي انا اعرفه إني مستحيل أخلف اولاد يدفعوا التمن اللي انا دفعته 
ولا هستنى زياد بعد كام سنه جواز يمل مني ويسيبني ويروح يتجوز عليا بعد ما يكون زهق من دور الشفقه على حالى 
استطردت بغلاظه 
يا جماعه أنا مقرره هعمل ايه ولو سامحتوا محدش يتدخل فى حياتى  
لأنه مش بالسهل عليا أنا دبحت نفسي بسکينه برده  
وأول ما نوصل القاهره هيطلقني
كان يسمعها زياد الذي يقف منتصفا بين يونس وراكان 
انسحب من بينهم پغضب يهرب خارج المشفى يشعر بالاختناق وكأن الارض تدور من تحت قدميه
أما الشباب هرولوا وراءه لا يريدون ان يتركوه بمفرده وهو في هذه الحاله 
فى حين ظلت الفتيات على وضعهم كل منهم في دوامه مظلمة 
بينما على الجانب الآخر سمعت الحوار كلا من الجده فردوس وكريمه الذين كانوا على مقربه منهم ليمتعض داخلهم بسخط من تهور تصرف قرار ورده على غير العاده  
ليصم قلب الجده بنبضات تائهه تفيض حسره على حفيدتها 
هرولت ورده هي الأخرى وخرجت وراء زياد لا ترى النظرات التى تخترقها غيضا وڠضبا مما تفوهت به 
التفتت يمينا ويسارا وجدته يجلس في حديقه المستشفى وبجواره الشباب اقتربت منهم هاتفه 
ممكن لو سمحتم عاوزه اتكلم مع زياد شويه على انفراد 
انسحبوا بدون ان يتفوه أحدا منهم بكلمه واحده وجلست بجواره هاتفه بندم 
انا عارفه انك اتظلمت معايا بس دا ڠصب عني هو انا مش عارفه اقول ايه ولا عارفه ايه وصلنا للمرحله دى 
بس كل اللي أنا عرفاه إني فعلا حبيتك قوووى وإني مش ندمانه علي الحب دا لأن دى أول وآخر مره أحب في حياتي 
وبحمد ربنا أن قلبي لما دق كان ل راجل مالي عيني وحبيت نفسي معاه 
كان ممكن حياتنا تبقي اجمل بكتير لأن كنت حاطه قواعد لأستمرارها 
أولها الاحترام والتقدير والاكتفاء  
وانا فعلا كنت مكتفيه بيك جدا وراضية 
وبذلت مجهود كبير عشان أرضيك واسعدك ونقدر نكمل 
وكان عندى استعداد أبذل أكتر من كده بكتير عشان اشوف السعادة في عينيك 
بحمد ربنا أنى كنت بقدر أوصلك للسعادة إللي أتمنيت نعيشها سوى 
بس أنا جوايا مشاعر كتير متلخبطة ولازم أصلحها لوحدي 
صمتت قليلا تسترد أنفاسها المتلاحقه وهى تتجاهل النظر لعينيه واستقامت واقفه لكي تغادر وتهرب قبل ان ينفضح أمرها أمامه 
هرولت خارج المشفى تحت انظاره وقلبه المليء بالحسره والۏجع 
هو ندم على حب عاش طوال
حياته يبحث عنه لكي يحصل عليه 
الحروف عالقه فى حنجرته مشاعره التى بعثرتها من كلماتها الحائره بات يسمعها تائها ضائعا نبضات قلبه تضيق ټخنقه كمن مد يده يسحب الهواء من الوصول إليه 
ظلت عينيه تتابعها يود أن يهرول خلفها ويسحبها إلى أحضانه يداوي چروحها ويطفئ