نبضات تائهه وتين ج٢ للملكه ياسمين الهجرسى

بأنفاسها الڼار الشاعله فى صدره 
ولكن بالأخير استسلم الى طلبها وتركها بمفردها تحترق بڼار الفراق التى اخترتها لتحيا بها 
خرجت شغف من العنايه واقتربت من الحجه فردوس وجلست تربت على كتفها هاتفه بحب 
وحشتيني يا أمي وارتمت في احضانها 
سحبتها الحجه فردوس الى احضانها بحنان أموي هاتفه 
وأنتى كمان وحشتيني يا قلب أمك معلش يا بنتي مقدرتش أرحب بيكي بسبب اللي حصل
ابتعدت عنها شغف وهي تطبع قبله على مقدمه رأسها باحترام وحنان هاتفه 
متقوليش كده يا امي انا عارفه بس صدقيني انا كمان ما قدرتش اقرب من حضرتك الا و انا معايا خبر كويس جدا 
بابا الحاج فاق والحمد لله وهنقله المستشفى عندي وحضرتك هتيجي نعملك الكشف الثانوي وباذن الله الدنيا كلها تبقى تمام 
تهللت أسريرها هاتفه وهي تنظر الى جلال الذي يتابعهم باهتمام 
أبوك بقى كويس الحمد لله يا جلال
والسعاده تملئ كيانه قائلا 
سامحيني يا امي حضرتك عارفه أنه مكانش قصدي 
نظرت له هاتفه برحابة صدر 
مش وقته خالص الكلام ده المهم أن هو بقى كويس 
حولت نظرها الى شغف هاتفه 
عايز أشوفه يا بنتي
ابتسمت شغف وهي تمسك كف يدها بين كفيها هاتفه باعتذار 
معلش يا أمي مش تقدري تشوفيه دالوقت بس ان شاء الله أول ما نوصل القاهره تكون الحاله استقرت نهائي وباذن الله هديكم جناح تعيدوا فيه شهر عسلكم 
ابتسمت أبرار قائله 
والنبي ما عايزين شهر عسل عسل ايه اللى في المستشفى ده يا شغف وإن كان على شهر عسل الحج والحجه كده يبقى عندي بس ان شاء الله يقوم بالسلامه 
ردت عليهم فردوس پغضب هاتفه 
اتحشمي يا حرمه منك ليها ايه كلامكم الماسخ ده 
ضحك الجميع عليهم 
اقترب منهم أحمد وهو يطبع قبله على مقدمه راس الحجه فردوس قائلا 
حمد لله على سلامته يا امي ربنا يبارك في عمره وصحته ويتمم شفاه على خير ويقوم لنا بالسلامه
ردت عليه بحنان 
ربك كبير يا ولدي قادر ينجيهم ويقومهم لنا بالسلامه
استقامت شغف هاتفه بعمليه 
بعد اذنكم انا عشان هنجهز الاسعاف عشان نتحرك للقاهره
وحولت نظرها ل جلال مكمله 
اهم حاجه الطياره جاهزه 
رد عليها جلال وهو يضع هاتفه في جيبه قائلا 
وأنا خلاص رتبت كل حاجه والطياره منتظرانا في مطار اسيوط الدولي 
رد عليهم راكان قائلا 
يبقى على خيرة الله ويلا بينا نتحرك ونستعد عشان الرجوع 
ردت عليهم كريمه
وأنا كمان كلمت العامله في فيلا القاهره ترتب الغرف ويكونوا في استقبالنا 
قطعت حديثهم صوت فهيمه التي تقترب منهم هاتفه بسخريه 
الله الله أكثر ناس في الدنيا كل دقيقه بحال 
مش كنت سيباكم دلوقتي زي حبات السبحه المفروطه 
مين لمكم بالشكل ده 
ردت عليها الحجه فردوس بسخريه هاتفه 
انا اللي لمتهم يا بنت بطني يلا عشان هنرجع القاهره 
زمت فهيمه فمها بحركاتها المعتاده وهي تجلس بجوار والدتها هاتفه بسخط 
يعني لما نسافر القاهره الحزن والمرار هيفرقونا مفيش ياما حاجه هتسيبنا الهم هنا زي الهم هناك 
أردفت الحجه فردوس ترد بتهكم على كلام ابنتها قائله 
ولسه مرار حبيبتك ورده جاي والأيام هتبقى اسود غطيس 
ضيقت ببين حاجبيها پغضب
وهي تنظر الى ورده التى دلفت من الخارج للتو واستكملت هاتفه 
على قد ما كانت طول عمرها عقله وراسيه ورزينه جت على اخر العمر وورثت فيكي عقلك المخبل كله 
بس إن شاء الله نوصل القاهره ونبقى نشوف ايه اللي هيتم ونعمله 
ردت عليا فهيمه بغيظ 
عملها أسود ومنيل لما نسافر بقى ونشوف و اللي فيه الخير يعمله ربنا 
أما داخل غرفه العنايه كان هناك قلب حبيبه يخفق بسرعه تتسابق دقاته وهي ترى حبيبها يهدب بجفونه ويحاول فتحهم ولكن دوار رأسه يغلبه لم يقدر على مقاومته 
انحنت وطبعت قبله على عينيه وهمست في اذنه هاتفه 
يلا حبيبي شد حيلك انا بحبك قوي يا يعقوب انا معرفتش انى بحبك بالشكل ده الا لما وقعت بين أيديا انا فقدت معنى كل حاجه حوليا لما غيبت عنى 
أنت بقيت كل حاجه فى دنيتى السند والأمان اللى كنت بدور عليهم لاقيتهم فيك 
الحبيب والصديق اللى رسمته فى خيالى جيت أنت تكمل الصوره الناقصه وتضيف الألوان اللى زينت حياتى وضافت ليها معنى وروح 
أنت الفارس النبيل اللى كنت منتظراه عشان يخطفنى على حصانه 
سامحنى لو كنت مش بقدر اقولك الكلام ده وأنت صاحى وواقف قدامى بيكون خجلى اكبر من إنى اتكلم 
بس وحياة غلاوتك أنا عديت مرحلة الحب بكتير سامحنى يا نور عيونى أنا السبب فى رقدتك دى 
بس عشان خاطرى قوم بالسلامه عشان أقدر أسعدك وأعوضك عن كل لحظة ألم وتعب كنت أنا السبب فيها 
همس بضعف وكلمات خرجت ثقيله عليه ليهمهم بحروف متقطعه 
وااا أنا بع ش قك 
صمت و بلع ريقه بصعوبه وأضاف بتلعثم 
وعم ري ما هب عد عن ك تاا ني 
دنت منه ودموعها سقطت على وجنتيه هاتفه بغبطه 
إن شاء الله مفيش حاجه هتبعدنا عن بعض تاني بس أنت شد حيلك وقوم بالسلامه 
لبعض الوقت حل الصمت بالغرفه يستجمع أنفاسه لينظم كلماته العالقه بحنجرته بفعل إصابته والخمول الذى أصاب جسده من رقدته على فراش المړض 
واخيرا أجلى حنجرته ليتكلم ولكن يقاطعه دخول أحدهم ليلعن حظه العثر لينظر للباب لمن هو مفرق الجماعات ليجدها شغف
اقټحمت شغف الغرفه واقتربت منهم وهي تبتسم بسعاده تشاكسهم هاتفه 
حمد لله على سلامتك يا وحش هو أحنا لازم نجيب لك نبض قلبك عشان تقوم لنا بالسلامه 
ابتسم وهو ينظر الى صبا التي تبكي وتضحك في نفس الوقت يحاول التماسك ليخرج الكلمات حتى لا يثير قلقهم 
هتف بمرح يشوبه بعض الألم 
طبعا يا طنط أحنا اتعلمنا الحب منك انتي وأنكل قاسم 
ليأتى إليهم من الخلف صوت مألوف يشاكسه بمرح ليقترب منهم احمد و قاسم
ليهتف قاسم مبتسما 
بتجيب سيرتي ليه يا يعقوب باشا 
ثم اكمل حديثه 
حمد لله على سلامتك يا وحش كده تخضنا عليك بالشكل ده 
هتفت شغف تقاطعهم بعمليه نأجل الحديث ده والعتاب ده لبعدين هو مش هيقدر يتكلم 
وحولت نظرها ل صبا هاتفه 
انزلي اشرفي على سيارات الاسعاف اللي هننقل جدك ويعقوب فيهم
اومأت لها باحترام وعمليه ثم نظرت الى يعقوب بعيون تفيض عشقا هاتفه
انا هنزل وهبقى معاك في سياره الاسعاف 
هز رأسه لها وهو يجاهد الالم ويحاول ان يبتسم قائلا 
ان شاء الله 
غادر الجميع ماعدا احمد الذي انحنى يقبل رأس ابنه ودموع الفرح كمن كانت تنتظر خروجهم حتى تنهمر 
تكلم ووجهه قد أشرق ابتهاجا بشفاء ولده ليردف بسعاده 
حمد لله على سلامتك يا
ابني ربنا يا حبيبي يتم شفاك على خير كنت حاسس يا يعقوب ان روحي هتطلع مني ربنا يخليكوا لينا يا ابني الۏجع فيكم وحش قوي ربنا ما ينقص منكم حد يا رب 
ليتنهد يزفر أنفاسه بمراره من حالة الفقد الذى كانا يعشها هو و زوجته ليهتف قائلا 
انا ووالدتك مكناش هنستحمل يحصل لك حاجه أنت وأخواتك النفس اللى بنعيش بيه 
ابتسم يعقوب پألم وۏجع قائلا بضعف 
ربنا يخليك لينا يا ولدي ولا يوجعكم علينا ابدا ويبارك لنا في عمركم وصحتكم يا رب 
رد عليه أحمد مؤمنا على دعائه 
اللهم امين 
أنا هخرج اطمن والدتك انك الحمد لله بقيت كويس وبتتكلم عشان قلبها يطمن كنت خاېف عليها يحصل ليها حاجه الحمد لله ربنا سترها 
اقتحم عليهم يونس العنايه ودخل وهو يبتسم ويهتف قائلا بمرح 
هو أنت تطلب أمك وحبيبتك وتنسى توأم روحك ماشي يا عم  
على العموم متشلالك يا عم 
وأنا كمان هبقى اطلب الحته الطريه بتاعتي وأمي لما احصلك فى رقدتك 
ضربه أحمدعلى صدره قائلا بغيظ 
بعد الشړ عليك يا متخلف ايه الهباب اللى بينقط من لسانك ده احنا ناقصين ۏجع مش كفايه علينا لحد كده أنت ناوى تموتنا بحسرتنا عليكم لو أمك سمعتك ممكن تروح فيها الملافظ سعد يا بغل 
حاول يعقوب ان يكتم ضحكته بسبب الألم فلتت منه صرخه ألم
ليهرول له يونس واقترب منه بلهفه قائلا 
سلامتك ياعين اخوك أنا كنت بهزر يا حبيبي المهم إنك بخير وربنا يقومك لنا بالف سلامه وحمد لله على سلامتك 
واسترسل كلامه يرقص له حاحبيه فى دعابه مرحه 
خد الكبيره ياعم ليك منى يالا هعمل لك حتة فرح هخلي الدنيا كلها تتكلم عليه 
وغمز بطرف عينيه باتجاه ابيه هاتفا 
قرار من رئيسة حكومه عائله الشاذلي أبرار هانم 
ابتسم يعقوب
ربنا يخليك ليا يا حبيبي ان شاء الله نبقى مع بعض احنا اتولدنا مع بعض ونخش دنيا مع بعض 
تجمعت الدموع في عين احمد قائلا 
ربنا يخليكم لبعض وما يحرمني منكم 
قطع حديثهم دخول جلال و راكان
اقترب راكان من يعقوب قائلا 
حمد لله على سلامتك يا قلب اخوك حاسس بايه دلوقتي 
رد عليه يعقوب يطمئنه قائلا 
الحمد لله ميقعش الا الشاطر انت عارف ان اخوك شديد تربيتك بقى يا راكان
وهو لو مكانش خدني على خوانه انت عارف كان هيحصل له ايه
رد عليه راكان و هو ينحني ويطبع قبله أعلى مقدمه رأسه هاتفا 
وحياه رقدتك وغلاوتك عندي لا أخليه يندم على اليوم اللي فكر بس يرفع سلاح 
قوم انت بس بالسلامه والباقي مقدور عليه 
قاطعه جلال بأسف وامتنان لحمايته لابنته ليردف قائلا 
حمد لله على سلامتك يايعقوب شدة وتزول يابنى حقك عليا احنا السبب فى رقدتك دى 
رد عليه يعقوب بتوضيح 
مفيش أسف ياعمى انا أفدى صبا بعمرى ويبقى قليل عليها 
ليحول نظره لوالده يتطلع له ليمهد ل جلال خطبة صبا
ليفهم احمد ما يجول بفكر ولده ليلبى له طلبه 
هز رأسه بسعاده وهتف ل جلال قائلا 
معلش يامعالى اللواء الظرف مش مناسب بس يعقوب مش قادر يصبر وحابب يطلب ايد صبا قبل ما يمشى من الصعيد 
ايه رأيك انا بطلب أيد صبا ل يعقوب ابنى 
تهللت اسارير جلال وهتف بغبطه وسرور 
وانا هلاقى احسن من يعقوب ل صبا بنتى على بركة الله انت شد حيلك وقوم بالسلامه وتعالى اطلبها من جدها
عشان فرحتنا تكمل وأنا اجهزها وأوصلها لحد بيتك انت نسبك شرف ياسيادة المستشار ويعقوب زينة الشباب ربنا يحميه 
التف راكان ويونس حول سرير المشفى مهللين بسعاده يتبادلوا التهنئه والمباركات السعيده 
ليقاطعهم دلوف شغف مره أخرى هاتفه بصوت حاد يشوبه التهكم 
لا انتم بتهزروا صح هو ينفع اللي انتم عاملينه ده دي أوضه عنايه ما ينفعش كده وهو مكانش المفروض يتكلم الكلام ده كله 
يلا لو سمحتم عشان الطقم الطبي هيدخل يجهزه والحاج محمد نزل سياره الاسعاف وكريمه ركبت معاه ومنتظراك ياسيادة اللواء 
والبنات منتظراكم في السيارات ياشباب واحنا هنتطمن على يعقوب وبابا وماما هيركبوا معايا 
اتفضلوا يلا عشان نتحرك كلنا في
وقت واحد
أوما لها الجميع وتركوا غرفه العنايه وغادروا لكي ينفذوا ما قالته 
وتم بالفعل تجهيزه ونقله بالطائره هو والحاج محمد الى مستشفى الشغف الدولي بالقاهره 
اما الحاجه فردوس وفهيمه ركبوا مع السائق الخاص بالحاج محمد
غادر الجميع الصعيد بقلوب ملتاعه من الحزن والفرح كانت مشاعرهم مختلطه  
مر الوقت ووصلوا إلى المشفى وتم فحص مؤشراتهم الحيويه داخل العنايه لتستقر الأوضاع ويتم نقلهم إلى غرف عاديه 
كانت صبا تقف وعيونها تشع حب وحنان وحمره الخجل تكسو ملامحها وهي تشاهد ابرار تبدل له ملابسه 
هتفت بارتباك بعد اذنكم هروح اطمن على جدي واجي لكم
اومأ لها احمد بحنان ابوي قائلا 
اتفضلي يا حبيبتي 
تركتهم وغادرت تحت نظرات هذا العاشق الذي يود ان يستقيم يسحبها لكي يسحقها في أحضانه 
فى غرفه الحاج محمد كان يتسطح بتعب والإرهاق يكسو ملامحه 
اقترب منه قاسم قائلا 
حمد لله على سلامتك يا والدي ربنا ما يحرمنا منك ويديم عليك نعمه الصحه ويبارك فى عمرك يا رب 
رد عليه الحج محمد بتعب هاتفا 
ربنا يحفظك يا قاسم يا بني 
ويحفظك لينا يا ولدي وطبع قبله على كف يده ليستأذن قائلا 
أنا هسيبكم دلوقتي وهروح المكتب عند شغف لو احتجتوني في اي وقت رنوا عليا 
أومأ له جلال قائلا 
شكرا يا قاسم على كل اللي عملته عشانا
ضحك قاسم من صديقه الذي دائما يكبر ويفخم المواضيع ويعطيها اكثر مما تستحق قائلا 
مش هرد عليك وهعتبر نفسي ما سمعتش حاجه وتركه وغادر الغرفه 
اقترب جلال من والده والدموع في عينيه كالطفل الذي اخطا في حق والده هتف يستسمحه قائلا 
سامحني يا حاج انا مكانش قصدي نهائي اني اصغرك لا سمح الله انا ما اعرفش ان القانون اتغير صدقني يا حاج سامحني انا مكنتش اقصد 
وانحنى يقبل قدم والده لكي يستسمحه وان يعفو عنه ويصدق انه لم يقصد اهانته 
احتقنت عين الحاج محمد بدموعه التى يجاهد حتى لا تخرج من محجرهما وسحبه لكى ياخذه في أحضانه 
هو مهما أخطأ ابنه وسنده وكان يريد ان يسعد اخته وهو يعلم انه متهور ومندفع وعصبي طول عمره يخطئ ثم يأتي ليعتذر 
تشبث فى أحضان والده قائلا 
سامحني المۏت عندي اهون من رقدتك دى 
رد عليه الحاج محمد وهو يربط على ظهره 
ربنا يديك الصحه يا حبيب ابوك وتفرح بأحفادك اللي حصل حصل العايط في الفايت نقصان من العقل وكله مقدر ومكتوب سيبها على الله 
استكان بين أحضانه قليلا 
ليمد أبيه يده وازاحه بعيد عن صدره وهتف مازحا 
وقوم بقى عشان أنت فعلا ھټموټني وأنت عامل زي الطور كده 
ضحكت كريمه وفردوس على تشبيه الى جلال 
هتفت والدته مازحه 
عندك حق 
الجسم جسم طور والعقل عقل نمله 
اقتربت منها كريمه هاتفه بمهدنه 
سماح بقى يا حجه ان
شاء الله عاوزين الأيام الجايه كلها تبقى أفراح باذن الله 
رفعت الحاجه فردوس عينيها ونظرتها تصب عليها بنظره ذات مغزى هاتفه 
طبعا يا حبيبتي دافعى عنه ما هو أنتم ما شاء الله نازلين محڼ طول النهار والليل فاكريني مش واخده بالي 
ضحك الحاج محمد قائلا 
سيبيهم يا حاجه ربنا يسعدهم لازم يبقى عوض ربنا جميل 
ردت عليه قائله 
هو حد يا حج يتمنى لهم السعاده اكثر مني ربنا يسعدهم يا رب 
اقتربت كريمه تقبل كف ورأس الحاج محمد هاتفه 
ربنا يخليك لينا يا رب يابابا الحج
ابتسم قائلا 
الله يسلمك يا كريمه فين فهيمه والبنات وطمنوني على يعقوب 
اثناء حديثه دلفت صبا تهرول الى أحضان جدها هاتفه 
حبيبي يا جدو حمد لله على سلامتك ربنا ما يحرمنا منك ابدا يا رب
ضمھا بحنان قائلا 
ولا يحرمني منكم يا قلب جدك وابتعدت عن احضانة
طمنيني على يعقوب زوج المستقبل 
ابتسمت بخجل وهتفت بسعاده قائله 
الحمد لله بقى كويس جدا وبيتكلم وبيهزر واتنقل غرفه جديده وربنا يطمننا عليكم كلكم
استقامت و ارتمت في احضان والدتها تهمس في اذنها بصوت لا يسمعه سوى كريمه هاتفه 
أنا مبسوطه قوي يا أمي يعقوب قام بالسلامه 
ضحكت كريمه وهي تضمها بحنان أموي
الحمد لله يا حبيبتي كنت خاېفه عليكى بس انتي حبيتيه الحب ده كله أمتى كده ده احنا لينا قاعده طويله قوي مع بعض 
ضحكت وهي تبتعد عن والدتها تذهب الى أحضان والدها الذي كان يفتح زراعيه على مصراعهم ويشاور لها أن تأتى له مسرعه
ضمھا لصدره وطبعا قبله على وجنتيها قائلا 
الحمد لله على سلامه يعقوب ياست البنات
ثم ابتسم بحنان وعطف أبوي قائلا 
عمو أحمد طلبك مني رسمي 
ابتسمت له بخجل وهي تنقل نظرتها بينهم 
حتى قطع هذه السعاده جلال الذى أراد بخبث أن يمزح معها قائلا 
بس انا رفضت وقلت له احنا ما عندناش بنات للجواز 
كان يتحدث وهو يغمز الى كريمه
ابتعدت عن أحضانه پصدمه قائله بتوجس 
حضرتك بتتكلم بجد تحدثت والدموع متجمعه تتلألأ في عينيها 
سحبها الى أحضانه مره أخرى قائلا 
لا طبعا كنت بهزر معاكي هو أنا اقدر أرفض طلب ل زينة الرجال  
وخصوصا إنه طلبه ده غالى على قلبى أنتي سعادتك عندى أهم حاجه فى الدنيا  
إن شاء الله أول ما يخف بالسلامة هيجى يتقدم لجدك وتتجوزوا على طول 
بارك لها الجميع وغمرت السعاده قلبها ٠ لتهدئ نبضاتها التائهه فى أنتظار اليوم الموعود 
ما أجمل النصيب حين يأتي محمل بالرغبات ولكن بالأخير نمشى على كف القدر ولا ندري عن المكتوب 
ترى هل السعاده التى تحلق فى الأفق هل ستغمر الجميع أم للقدر رأى آخر!
وتين ج
نبضات تائهه
ياسمين الهجرسي