قلوب مقيده ل نور محمد

من فتره علشان كده حابب اطلبها من عماد دلوقتي لابني زين قولتي ايه!
اميره سمعته وتوترت اوي من خۏفها على بنتها لان كلام عصام عن ابنه لايبشر بالخير ابدا فقالت برتباك وخوف انا انا ياعصام مش هلاقي احسن من ابنك لبنتي طبعا بس الحقيقه يعني انت قولت انه..
قاطعها عصام بتفهم وقال ان ابني مريض وصعب التعامل معاه صح بسبب عقدته النفسيه دي مش كده
حمحمت اميره باحراج وقالت احم بصراحه ايوه عندك حق
ابتسم لها عصام بهدووء وقال بصي يااميره انتي زمان كنتي زي بنتي باظبط واكيد بنتك دلوقتي غلاوتها من غلاوه ابني كمان وانا مستحيل اسمح لشئ في الدنيا انه يأزيها انا عاوزك بس تثقي فيها لاني واثق ان مريم الوحيده اللي هتقدر تكسر عقده زين وتخليه يحبها وېموت فيها كمان والايام هتثبت لك الكلام ده بس ثقي فيا دلوقتي وان شاء الله مش هتندمي ابدا
اميره بصتله بتردد بس تهند بقوه وقالت تمام ياعصام انا اكيد واثقه فيك اوي ياحبيبي وموافقه كمان على طلبك وهرن فورا على عماد اقوله انت عاوز ايه و
قاطعها عصام بسرعه وقلق وقال لا اوعي تقولي له انا عاوز ايه انتي قوليله اني رجعت وحابب اشوفه ضروري بس ماشي
هز اميره رأسها بطاعه وقالت حاضر ياعصام ياله انا هروح ارن عليه بقي
عصام هز رأسه لها بتمام وبص على مريم جنبه لقاها شارده في دنيا تاني فقرب منها بهدووء وقال مريم انتي كويسه ياحبيبتي
انتبهت له مريم بتوهان وقالت اه ايوه انا كويسه ياخالي حضرتك بتقول حاجه
ضحك عصام بخفه وقال ههه دنا قولت حجات يابنتي مش حاجه المهم بصي ركزي معايا كده انا عارف ان الطلب ده صعب عليكي بس انا حاليا مش عندي في الدنيا غيركم بس يابنتي علشان كده انا بطلب منك انك توافقي على ابني وصدقيني مش هتندمي ابدا زين طيب وغلبان اوي بس هو شاف اصعب مشهد ممكن حد يقدر يشوفه في حياته وهو لسه طفل صغير فحاولي تتعاملي معاه على
انه لسه طفل صغير وشوفي وقتها هو هيتعلق بيكي ازاي وبعدها لو حبيتي تطلقي منه انا هطلقك منه والله وعد
مريم بصتله بتركيز وجوها حزن كبير على اللي مر بيه ابن خاله من صډمه فعلا صعبه جدا على أي حد في مكانه علشان كده تهندت بعمق وقالت حاضر ياخالي انا موافقه لانه مهما كانت حالته ايه هيفضل ابن خالي ومن واجبي اني اساعده وهعمل اللي يقدرني على ربنا علشان اعالجه من عقدته دي بأذن الله
عصام سمعها وكان هيطير حرفيا من الفرحه وقرب وقال شكرا شكرا ياقلبي انا بجد مستحيل انسى لك المعروف ده في حياتي
ابتسمت له مريم بحب وقالت العفو ياخالي ده واجبي بس
وعلى الناحيه الاخرى
اميره رنت على جوزها عماد وبعد وقت رد عليها وحكت له كل حاجه قالها لها عصام 
وبعدها كملت وبس ياعماد هو حابب دلوقتي انه يشوفك ضروري لو سمحت تقدر تحجز فورا طياره لانه امر مستعجل ممكن
رد عليها عماد بتوتر وقلق وقال حاضر يااميره هحجز طياره مخصوص وبكره هكون عندكم بأذن الله ياقلبي تمام ياله سلام
قفل عماد معاها بسرعه من شده توتره وخوفه من الخبر ده وفي وقتها قربت منه ست في اواخر الاربعين من عمرها بملامح جميله اوي وهي بتقول بدلع مالك ياحبيبي هي البومه اللي اسمها اميره دي رنت عليك عاوزه ايه!
عماد بصلها پخوف وتوتر كبير وقال جوزك جوزك عصام رجع تاني ياميرا