نبضات تائهه وتين ج٢ للملكه ياسمين الهجرسى

ابتسامه سعادة وانحني يقبل كف جده قائلا 
ربنا يخليك يا جدي ما انحرمش منكم يارب ويقدرني واعوضكم غيابي 
ربت الحاج محمد على كتفه هاتفا 
ربنا يجعلك خلف لينا وامتداد صالح من بعدنا يا حبيبي 
بسط كف يده ثم خلع من أصبعه خاتما يحمل رمز ولقب عائله السيوفي قائلا 
ده انا كنت شايله لك لحد ما ترجع بالسلامة يا كبير نجع السيوفي وأن شاء الله هتورثه لولدك يا راكان
امسك كفه يلبسه خاتم العائله هو ميراث يتوارثه الأبناء ولكن معزة راكان تفوقت على معزة جلال ليصدق المثل القائل اعز الولد ولد الولد 
انحني راكان يقبل كف يدي جده
ومقلتيه تغمرها الدموع ليهتف 
ده كده كتير عليا ياجدى والدى أحق بيه منى طولة العمر ليك ومن بعدك هو 
بينما جلال يتطلع لهم بسعاده ودهشه من موقف ابيه الا انه بداخله فرحه عارمه من فعلة ابيه فهذه اول خطوة لتقريبه منه هو لا يزال يجهل كيف يحتوى ابنه 
ليهتف جلال مقاطعا راكان بحزم قائلا 
مينفعش تراجع جدك فى كلمه قالها يا راكان انت مش حفيد قليل فى عيلتك ياحبيبى انت الفخر والسند اللى انتظرناه العمر بطوله 
انا وانت واحد يا رجلى اللى جدك عمله هو عين الصح الخاتم فى صلب مكانه اللى يزيده عزه و رفعه 
استقامت كريمه تبكي وتضحك من فرحتها بعدما بالكاد ابتلعت زغروتها لولا الظروف لملئت السرايا بالزغاريط والتصفيق 
اشارت له الجده ان يقترب منها 
ليدنو منها يجثو تحت قدميها
لتضمه لصدرها تبكى فرحة على لقاء كانت تحلم به ليل نهار 
همست له فى اذنه 
الله اكبر عليك يا قلب جدتك الخاتم صباعك زينه زى ما انت رجعتك زينت حياتنا 
اخذ يقبل كف يديها بحب ملئ كيانه قائلا 
ربنا يخليكم ليا يا جدتي انا مكنتش متخيل انى هكون غالى عند عيلتى كده فضلت سنين اتخيلكم ولكن انتم اتعديتم كل تخيلاتى ربنا ميحرمنيش منكم وأفضل ديما عند حسن ظنكم بيا 
الفرحه سيطرت على الجميع ليعم المكان الهمهمات السعيده 
استقام راكان يزفر انفاسه بسعاده يهدء من نبضاته التى تتقافز بقفصه الصدرى يمسح مقلتيه وتعرق وجنتيه 
اردف مبارك له قائلا 
الف مبروك يا اسدى ربنا يجعلك يا ابني سند لعيله السيوفى وسند لعيله الشاذلي وربنا يجعلك سند لاخواتك ويخليك لينا ويحفظك انت ومراتك واخواتك 
امن الجميع على دعواته
اما ابرار التي ابتسمت واقتربت منه قبلت وجهه ورأسه قائله 
ابني وتربيتي اللي مشرفني في كل مكان ورافع راسي ربنا يديمك نعمه في حياتنا يا حبيبي
هتفت صفا بمرح قائله 
والله حلو قوى يا جدو راكان ما بقالوش كام ساعه واخذ الخاتم اللى كنت حطه عينى عليه وعليه كمان حبكم كلكم انا كده زعلانه
اشار لها جدها ان تاتي اليه
هرولت وارتمت في احضان قائله 
كده يا جدو طب انا فين خاتمي
تطلع ينظر الى يونس نظره ذات مغزى
قائلا 
خاتمك عريسك هو اللي هيجيبهولك لكن المحبه واحده ياقلب جدك بس سامحينى هو بزياده شويه الشوق طال فى القلب بزياده فتولدت المحبه بزياده 
التقت بأعين يونس التى ټحتضنها بسعاده في نظرات حب اختصها بها وحدها 
تهربت من نظراته تضم جدها بسعاده هاتفه 
ربنا يخليك لينا يا جدو وانا كمان بحبه متعرفش رجعته ردت فيا الروح لو بتحبه قيراط انا بحبه اربعه وعشرين رجعت راكان مش غاليه عندك انت لوحدك
وابتعدت عنه مهروله تحتضن راكان بمرح والسعاده تغمرها هاتفه 
الف مبروك يااخويا رجعتك لينا بالسلامه شرفت عيلتك ونورتها يا قلب اختك 
اعتدل يونس واقفا و سحبها من احضانه يجز على اسنانه مدعيا الهدوء قائلا 
ابعدى شويه ياماما عايزين نسلم ونبارك هو مش اخوكى لوحدك
ليقترب من اذنها هامسا بصوت لم يسمعه احد سواها لانشغالهم بالضحك 
ودينى لو حضنتيه تانى كده لعلقك
ليتركها سريعا ويقترب من راكان يحتضنه ليهرول لهم يعقوب يشاركهم الحضن يهنئونه بخاتم ولقب عائله السيوفي 
وقفت مزهوله من فعلته أيغار من اخيها هل هو مچنون 
لتحدث نفسها 
يا اهلا بالمعارك شكلها هتبقى ايام عنب 
رفع راكان حاجبه ل يونس يحثه للنظر على زياد الجالس على مقعده كالمغيب الذي لا يسمع ولا يرى شيئا مما يحدث حوله 
فهم احمد ما يرمون اليه بخصوص زياد ليهتف قائلا 
زياد زياد كرر اسمه عده مرات حتى انتبه له زياد ايه يابنى انت مش معنا خالص 
سأله راكان بقلق 
مالك يا زياد في ايه مين مزعلك
هز زياد راسه بنفى قائلا 
ولا حاجه يا كبير عائله السيوفي وكبير النجع متشغيلش بالك ياعم انت عريس الليله الله يسعدك ياصاحبي 
هتف راكان مازحا وهو يخمس بوجهه قائلا 
بطل قر انت وهو انا ما صدقت اشم نفسى وافرح شويه 
وعالعموم لينا روقه وقاعده مع بعض واعرف مالك ويالا عشان عاوزين نرتاح اليوم كان طويل 
بسط يده لكي يمسك كف وتين  
وقبل ان تبسط يدها له امسكت كف يدها ابرار قائله 
رايح بيها فين ياحلو
ابتسم لها بۏجع وهو يهز راسه نافيا اكيد بتهزري اكيد مش هتعملي فيا اللي انتى قولتى عليه صح
ابتسمت وهي تسحب وتين بجوارها قائله 
لا طبعا اللي انا قلته هنفذه وانت كبير وسيد من يفهم الاصول 
انت ياحبيبي لسه كاتب كتابك عليها لما اخذتها وخرجت انا سبتك عشان هي اللي هترجعك 
لكن لحد ما تعملوا فرح انت ابني اللي هتسمع كلامي استحاله تتخطى الأصول 
اقتربت كريمه من وتين هاتفه 
انتي عندك عندك حق انا بقول مش هو ابنك اللي انت ربيتيه خدييه 
ودفعت راكان بجوار ابرار
وانا وتين بنتي وحبيبتي ومرات ابني هتبات في حضڼ بناتي لحد يوم فرحهم ان شاء الله 
هتف يعقوب قائلا بسخريه 
حلوه قوي حركة التبادل اللي انتم عملتوها دي 
حضرتك اخذتي ابنك عشان تمنعيه عن بنتك  
وحضرتك اخذتى مرات ابنك عشان تمنعيها عن ابنها 
بذمتكم ايه اللي انتم عملتوه ده 
هتفت الحاج فردوس قائله 
اللي هم عملوه ده هو اللي صح 
ما ينفعش يجتمعوا مع بعض في مكان ويتقفل عليهم الا لما يكونوا اتعمل لهم فرح وإشهار 
وخلاص جدك قال بعد الاربعين يعنى هانت 
يلا كلكم اطلعوا ارتاحوا علشان انتم تعبتوا النهارده طول النهار من السفر 
هتفت كريمه الى صفا وصبا يلا يا بنات خدوا وتين واطلعوا ارتاحوا 
لتضيف الحجه فردوس هاتفه 
وانت يا جلال يابنى خد معالي المستشار و راكان والشباب وطلعهم اوضهم المكان جاهز عشان هما كمان يرتاحوا 
اومأ لها الجميع بالموافقه ثم هتفت الفتيات واحنا نروح نطمن على ورده 
ابتسمت لهم ابرار انا كمان عايزه اطلع اطمن على فهيمهمعاكي 
صعد الجميع اما الحاج محمد والحاجه فردوس استندو يتعكزوا على بعض بخطوات بطيئه ولكن بنبضات سريعه فرحين بلم شمل العائله من بعد فرقه ذهبوا الى غرفتهم والسعاده تغمر جنباتهم  
غرفة فهيمه
طرقت كريمه باب غرفه فهيمة ثم دلفت عندما لم تجد منها رد
تجلس على الفراش تحتضن قدميها تحرك جسدها الى الامام والى الخلف بعصبيه كمن تجلس على موقد من ڼار يحرقها بلا رحمه
نظرت كريمه وابرار الى بعضهم البعض بقلق عليها وجلسوا بجوارها ليطمئنون عليها 
وضعت كريمه يدها
على ظهر فيهمة تربت عليها مشفقه على ما وصلت اليه هتفت قائله 
مالك بس يا حبيبتي ليه عاملة في نفسك كده حرام عليكي انتي تعبتي 
ادعيله ربنا يغفر له ويرحمه هو محتاج دعائك انتي وبنته 
استمعت لها و لم ترد عليها
ليزيد دهشتهم وخوفهم عليها لتهتف ابرار بقلق فهى على عكس طبيعتها تماما اردفت قائله 
مش هينفع كده يا فهيمه تكتمي في قلبك اتكلمي وطلعي كل اللي جواكي 
قولي اللي انت عايزاه عشان حتى ترتاحي الفضفضه هي اللي هتريحك وكمان عشان يبقي فيكي طاقه تطمني على بنتك 
عندما تردد اسم ابنتها ضحكت فهيمه بسخريه لتنطق اخيرا هاتفه 
بنتي وانا حد ظلمني في الدنيا قد بنتي حد موتنى بالحيا الا بنتى 
كان يستمعون اليها وهم ينظرون الى بعضهم بقلق عليها مما تتفوه به 
أمسكت فهيمه كف يدي كريمه تهتف بيأس قائله 
انتي طول عمرك شاهده علينا انا وبنتي 
هو انا عمري قصرت معاها كلنا أوقات بنبقى أمهات عصبيين أوقات بنيجي على اولادنا في حاجات عشان ما يغلطوش ونحافظ عليهم أوقات بننهرهم أوقات بنقرب منهم أوقات بنبعد عنهم  
بس في الاخر مصلحتهم تهمنا 
على يدك كان بيجي لي عرسان عامله ازاي ومرضيتش اتجوز علشان احافظ عليها 
كنت بعرف انها بتزور ابوها من ورايا وكنت بسكت عمري ما حرمتها من حاجه 
ليه في الاخر بتلوم عليا وتقول اني حرمتها 
انهمرت دموعها تبكي پقهر تنعى حالها قائله 
منه لله خرب حياتي وهو عايش ودمرها وهو مېت 
يا ريت جلال مرجعني ليه 
ظلت تبكي وتنهمر دموعها بشده عباءة القوه التى كانت تتوارى خلف ارتدائها تمزقت الى اشلاء قناع اللامبالاه سقط لسانها سليط الكلام انتابه الخرس كانت كلها أسلحه مزيفه كانت تتصنعها لتخفى خلفها ڼزيف روحها الغائر 
كانت تسمعها ابرار وهي تبكي على حالها
ابعدتها كريمه عن احضانها وأمسكت وجهها بين كفيها وبسطت أناملها تزيل دموعها من على وجنتيها هاتفه بحنان 
حتى لو انتى كنت عصبيه بس كنتي حمياها ومحافظه عليها طول الوقت مكانش فينا حد بيقدر يكلمها كلمه حتى لو غلطت كان اللي بيقرب منها بتاكليه بسنانك 
عمرك ما قصرتي في حقها لا فى التربيه ولا في التعليم ولا في الفلوس 
طول عمرك سند ليها وهي سنده عليكي هي لازم تقدر ده وانتى لازم تطولي بالك عليها 
شوفي صبا وصفا كانوا بيلوموا عليا قد ايه بسبب المشاكل اللي ما بيني وما بين جلال 
على قد ما كانوا بيبقوا شايفين غلطوا وتجريحوه فيا ويكونوا متعاطفين معايا واحس بخوفهم عليا  
اوقات تانيه الاقيهم اتغيروا معايا و يجيبوا اللوم عليا وانى انا اللى مش عارفه أفهمه واحتويه 
هما كده جيل ما بيعرفش ياخذ حقه مننا الا لما يرمي اللوم علينا ساعتها بيحسوا ان هم صح معملوش حاجه غلط وما بيغلطوش 
لكن احنا دورنا وواجبنا ناحيتهم نفضل جنبهم ونفوقهم لما يغلطوا نكسر اى حواجز تبعدنا عنهم نحتوي ضعفهم ولحظات انهيارهم 
انتي متزعليش منها بسبب زعلها وۏجعها على ابوها هى بتأنب ضميرها انها كانت بعيده عنه الفتره اللى فاتت سيبيها مسيرها هتفوق وتراجع نفسها 
استرسلت ابرار مؤيده كلام كريمه قائله 
كل البنات كده مش ورده لوحدها ما بالك لما تكون بنت بظروف ورده متزعليش منى ياحبيبتى بس ورده انا عشرتها فتره بسيطه بس هى تبان هاديه ولكن من جواها كتومه لدرجة الاڼهيار 
انتى عارفه متزعليش انها خرجت اللى جواه معاكى بالشكل ده هى كده هترجعلك احسن من الاول مؤشر حلو بالعكس تخافى لو فضلت كتمه جواه 
لتتابع ابرار