أحببت صعيدى منفصم الشخصيه ل دعاء احمد

وانا تحت امرك وامرها في اللي تطلبوه
يوسف بابتسامه مرحبه. انا موافق ومش هلقي لابنت اخويا احسن منك راجل لكن انت عارف الأصول لازم نعرف رأي البنت الأول

زين. طبعا مفيش كلام يتقال في الأصول بس انا شاريها ورايدها في الحلال ممكن بس يعني
صقر بضحك. انت علقت ولا ايه صافيه هتنزل كمان شويه وساعتها نعرف رايها
زين بابتسامه جميله. تمام
بعد شويه بتنزل صافيه وهي لابسه فستان اسود جميل جدا وحطه مكياج خفيف وفرده شهرها الأسود. منتظره تشوف جويريه وهي بټموت
بتبص لقيت جويريه قعده مع روح وفاتن في اوضه الحريم
بتدخل بالصنيه عليها عصير للرجاله
صافيه. السلام عليكم
الكل. وعليكم السلام ورحمة الله وبركاته
يوسف. تعالي يا بنتي اقعدي صقر تعالي نخرج ونسبهم يتكلموا شويه
بقيت قاعده في وش الاوضه اللي الحريم فيها منتظره تشوف اللي هيحصل مش بصه اصلا لزين
زين. هو في ايه
صافيه بانتباه. ها
زين. نحن هنا مساء الخير
صافيه. مساء النور
زين بابتسامه بسيطه. احب اني اعرفك بنفسي انا زين الورداني ٣٠سنه كبير الوردانيه وحيد والدي والدي متوفين مهندس زراعي ثم تبع بابتسامه ساحره. وطالب ايدك
صافيه بتفكير لنفسها. مش لازم اديله رأي دلوقتي لازم استنى اشوف اللي هيحصل بين جويريه وصقر يمكن لو ماټت صقر يفكر فيا وينسها خالص بس هو عمره ما فكر فيا بس على الاقل كان بيعملني كويس من ساعه ما جيت جويريه القصر وهو بيعملني پقسوه
زين. انسه صافيه روحتي فين
صافيه. ها لا ابد ممكن تديني يومين افكر
زين. تمام مفيش مشكله
في المطبخ
جويريه بتدخل. ياله يا بنات طلعوا الاكل على السفر عشان يتعشوا
الكل. حاضر وبدوا يخرجوا
جويريه راحت تشيل صنيه المكرونه بالبشاميل اللي عملتها وكانت حطها على تربيزه صغيره في المطبخ حسيت بالكهربا في جسمها مبقتش قادره تتحرك ولاتكلم احساس بالۏجع بيسري في جسمها دمعه من عنيها نزلت وبقيت تترعش ومفيش اي حد جانبها الكهربا بتمشي في كل جسمها وكل حاجه واقفه مكانها
اقل من دقيقة
بنت دخلت المطبخ لقيتها واقفه بتترعش شافت سلك كهربا عريان على الأرض صړخت بقوه
الكل اتفزعوا ماعدا صافيه ابتسمت بداخلها
صقر كان أول واحد يوصلها
البنت. سلك كهربا
صقر بصوت زللزل المكان. اقطع الكهربا عن القصر
أحمد جري على سکين الكهربا
صقر شاف دمعه من عين جويريه من غير ما يفكر مسك فيها وبقي حاسس باحساس ۏجع لكنه متمسك بجوري
فجأه الكهربا انفصلت عن البيت كله و جويريه وقعت على الأرض في حضڼ صقر وكانت فاقده الوعي دموعها بتنزل على خدها وجسمها بقى متشنج
صقر بسرعه شالها وخرج من المطبخ طلع لاوضتهم بسرعه
صقر. أحمد تعالي ورايا بسرعه
دخل اوضتهم وحطها في السرير
أحمد. ابعد يا صقر خليني افحصها
صقر بقى متضايق منه وحاسس انه عايز يضربه لكنه حياتها اهم
صقر. اطلب الإسعاف ولا كويسه انطقي
أحمد. مش هحتاج إسعاف هي نايمه دلوقتي هي كويسه انا هديها حقنه هتبقى كويسه وتريح الأعصاب اللي اتشنجت
صقر. اعمل اللي فيه مصلحتها
بعد شويه.
أحمد. هي دلوقتي نايمه والأفضل انها متصحاش دلوقتي
صقر. اخرج يا احمد وطمنهم
أحمد. تمام بعد اذنك
خرج وقفل الباب وراه
صقر قعد جانبها ومسك وشها . شكلي حبيتك ولا ايه معقول تكوني وقعتي صقر المحمدي اللي مفيش حرمه هزت شعره فيه تيجي طفله زيك توقعني في حبها بس اللي حصل دا وراه سبب وواعدك اني هعرفه يا جوري وهجيبلك حقك
اتنهد بضيق وراح نام جانبها شدها لحضنه ونام وهي كالعاده بتفضل تتمسح فيه زي القطط وتنام على صدره ابتسم وحضنها ونام
عند احمد
يوسف. طمني يابني البنيه كويسه
أحمد. متقلقوش الحمد لله متعرضتش للكهربا لفتره طويله