عندما يعشق الفدائى ل لولو طارق

تانيه لان ماما تعبانه جدا وطبعا قلقانه عليا قوى ..... 
صفيه خرجت معلش يا بنتى اتلهيت فى مريم تعالى يا حبيبتى حمدالله على سلامتكوووو وجورى مبسوطه من طيبتها وتلقائيتها الا مش موجوده فى نااااس كتيرررر ومحمود ادخلى يابنتى عند مريم جوا ... 
حسن اتصرفى يا صفصف عايزا تمشى من غير أكل 
صفيه تعالى معايا حد يجى عند صفيه و ما ياكلش من ايديها ..... وجورى اتحرجت ودخلت معاها عند مريم جوا ...... 
محمود مش تعرفنا على صاحبك يا حسن 
حسن دا اللهمو الخفى يا حج ملوش شكل ما أنت عارفه 
محمود عيب يا حسن .... جايز شفتك ونسيتك يابنى اعذرنى 
خالد لا يا حج انت اول مره تشفنى كدا أصلى ساعات بغير شكلى انت عارف بقى شغلى .... انا الا كنت معاااك يوم ولادة مريم . .
محمود والله صحيح دانت مش أنت يابنى 
حسن 
خالد خليها فى سرك بقى يا حج 
محمود سركم متصان متقلقش .... ربنا معاكم ويحفظكم ... 
خالد و حسن أمين يارب ..... 
صفيه ياله يا حج هات الولاد وتعالى عشان تاكلوووو لقمه وانا والبنات ها ناكل جوا عشان مريم مش ها تقدر تقوم .... 
محمود ياله يا شباب وقاموووو وخلصوووو أكل .... وجورى استأذنت عشان تمشى وخالد أصر هو الا يوصلها كدا كدا هو نازل 
خالد اتفضلى اركبى 
جورى فى ...... 
خالد دى منطقه شعبيه صح 
جورى ايوا 
خالد انتى مش ها تفكى بقى ها تفضلى واخده موقف كدا كتير 
جورى ابدا مفيش حاجه والله 
خالد يعنى فكينا 
جورى انا متشكره لحضرتك جدا على الا عملته انت وحسن عشانى انا ومريم 
خالد ايه حضرتك دى بقى انا خالد وبس ممكن 
جورى ببسمه ممكن 
خالد ودا واجبنا والا المفروض نعمله مع أى حد .... 
جورى ودا بردو ما يمنعنيش انى أشكرك 
خالد ماشى يا ستى قوليلى بقى خلصتى تعليم والا لسا 
جورى مخلصه بقالى 3 سنين تجاره انجلش 
خالد اه بتعملى ايه من ساعة ما خلصتى 
جورى انت شايفها مش مضحكه 3سنين بدور على شغل ليا نفس مجالى ولا شركه ولا بنك ولا شغل حكومى ... ساعات بلوم أمى واقول لها ماكنش لازم تحرمى نفسك وتيجى على راحتك عشان توفرى القرش الا ها تعلمينى بيه وانتى
كلك أمل انى ابقى حاجه ...... ويبقى معايا شهاده مبقاااش جاهله زيها ...... 
خالد انتى ثايره على أمك والبلد وحالك كدا ليه 
جورى أنت شايف ان اى إن كان تعليمك الا بقي الاهالى بيصرفووو على اولادهم ډم قلبهم عشان يقدرو يعيشو حياه كويسه بعد كدا من الطبيعى ان دا يبقى مصيرنا ...... الا هو ... والا هوووو معاك فلوس ها تشتغل مش معاااك اتركن على الرف العب بعيد يعنى 
خالد بصى معاكى حق تزعلى وتبقى شايله جواكى لان من حق كل واحد يعيش حياه على الاقل كويسه ومرتاح ما يفضلش طول الوقت شايل هم كل حاجه .... بس انتى عارفه ان ظروف البلد مش ها تتعدل بين يوم وليله وعشان تبقى زى ما بتحلمى لازم يبقى فى مشاركه حقيقيه من الكل . لاننا كلنا سبب أساسى فى الا بيحصل ... لا يغير الله بقوم حتى يغيرو ما بأنفسهم كلنا غلط وكله عايز يمشى الدنيا على هوووواه ....... وانتى لو ما شغلتيش دماغك واستسلمتى لوضعك ها تفضلى ناقمه على حياتك كلها طول عمرك ومهما ربنا رزقك مش ها ترضى ابدا با إلا فى ايدك 
جورى انا الحمد لله راضيه وعمرى ما بصيت لغيرى ولا الا أحسن منى انا زعلانه على أمى وعلى وضع ناااس كتير زيى بيزيدو مش بيقلو ... قول انا بنت ومسيرى اتجوز وابقى مسؤوله من واحد .... رغم انى ما بحبش أستنى حد يصرف عليا بس دا أمر مسلم بيه انما شاب زيك كدا الا المفروض ها يبقى هو الا مسؤول عن بيت واسره دا لوقدر يعنى
يفتحه أصلا ..... 
خالد ربنا يعدلها يا جورى ما تشغليش بالك بكل الا حواليكى خليكى فى نفسك .....وبضحك لا بعد كدا الاقيى انضمتى وبتحاريى فينا 
جورى أخرتى .... انا مش عاجبنى الاوضاااع اه بس بعشق البلد دى ولا يمكن فى يوم ها ابقى 
خالد ايوا كدا خليكى وسطيه فى تفكيرك عشان محدش يأثر عليكى ويستغل وضعك او حاجتك 
جورى ببسمه ان شاء الله .... ممكن تدخل من هنا 
خالد دخل بيها لحد البيت ونزل سلم على مامتها والجيران الا قاعدين معاها لحد ما بنتها ترجع من ساعة ما الشرطه كانت موجوده 
توحيده ادخل يا بنى 
خالد دخل عشان الناس الا قاعده مش كل واحد يفكر على مزاجه 
جورى ماما عامله ايه يا حبيبتى 
أم عباااس جارتهم مين يا جورى يا بنتى وعملو فيكى ايه ومين دا 
خالد الانسه جورى كويسه الحمد لله مفهاااش اى حاجه 
والحمد لله الموضوع كله كان سوء تفاهم مش أكتر ورجعت بالسلامه 
فتحيه جارتهم سوء تفاهم ازاى يعنى 
خالد الانسه كانت راكبه مع واحده صاحبتها بينها وبين جوزها شوية خلافات وكانت مڼهاره والست حامل فا بنتكم مشكوره ما حبتش تسيبها عشان كانت متهوره شويه وخاڤت تعمل فى نفسها حاجه وتليفون الانسه وقع منها وماعرفتش تكلم حد يطمنكوووو بس دى كل الحكايه 
توحيده مين دى يا بنتى اهلها بيقولو ما يعرفونش والا انا اعرفهم 
جورى دى واحده من زباين المطعم الا شغاله فيه قابلتنى الصبح ولما لقتها كدا ركبت معاها 
ام عباااس وانت مين يابنى 
خالد بجديه انا الظابط المكلف بالبحث عنهم ولما عثرنا عليهم رجعنا المدام بيتها وبوصل الانسه عشان الوقت متاخر .... وقام وياريت يا انسه تشرفينا بكرا عشان نقفل المحضر ..... بعد اذنكم 
توحيده استنى يابنى نضايفك عيب كدا 
خالد وقت تانى يا حجه ان شاء الله 
توحيده بعد الجيران ما مشيت .... تعالى يا جورى 
جورى حاضر يا ماما وراحت جمبها 
توحيده خدتها فى تعالى أشبع منك كنت بمۏت من غيرك انهارده 
جورى يا حبيبتى يا توحه انا أسفه يا قلبى ربنا ما يحرمنى منك ابدا .... عوضتينى عن غياب ابويا الا مشفتوش وأهلنا الا أتخلو عنك يا دوب المعرفه من بعيد لبعيد 
توحيده ربنا ما يحوجنا لحد والاهل يا بنتى كل واحد فيه الا مكفيه معلش أعذريهم 
جورى حاضر يا توحه يا عسل اخدتى دواكى 
توحيده من قلقى عليكى ماخدتش حاجه نسيت 
جورى قامت ادت الدوا لمامتها وأكلتها ورجعت نامت ..... 
توحيده تعباكى معايا يا بنتى نفسى ترتاحى بقى واطمن عليكى حاسه ان ايامى بقت قليله قوى يا جورى وبدعيلك فى كل صلاه ربنا يرزقك با الا يسعدك 
جورى ودموعها نازله هى عارفه ان أمها بتعانى جدا من المړض الا بينهش فيها وعلاجه الا مش قادرين عليه .... كفايه يا أمى بقى كلامك دا انتى لو جرالك حاجه ها أعيش من بعدك لمين 
توحيده لجوزك وعيالك وبيتك كل يوم ترفضى عرسان اد كدا عشانى لحد أمتى .... 
جورى انا عايزا ابقى وبس ها أعمل ايه بالجواز من غيرك .... كلهم انانين عايزين الوحده تبقى مقطوعه من شجره ولو قولتى لهم أمى ملهاااش غيرى ها تعيش معايا يقولى انا مش ملزوم بأمك كمان وفى الا تحسى انه متردد...... عايزانى أسيبك وأمشى لوحدك وانتى تعبانه قوليلى مين ياخد باله
منك 
توحيده ربنا ... ليا ربنا يا بنتى ياخد باله منى هو أحن على العباد من نفسها .... 
جورى أكيد كلنا لينا ربنا ... الحمد لله ... أقفلى الموضوع دا بقى وخدينى محتاجاكى قوى 
توحيده تعالى يا قلبى ... 
خالد داخل البيت فرحان ومزاجه مختلف وبيصفر ..... 
والده اللوا سعد الدين فى الشرطه....والدته إنتصار محمد ربة منزل 
سعد أخيرا مش عايز انام غير لما ترجع وتطمنى عملت ايه لما كلمتنى وقولتلى انك جاااى...... بقالك ساعتين 
خالد معلش يا باشا بقى انت عارف ابنك 
إنتصار داخل مزاجك حلووو فرحنا معااااك 
سعد عملتووو ايه شكلكو رجعتوهم 
خالد اه الحمد لله عليه ما حدث 
سعد انتو خاطرتو 
خالد شغلنا كله مخاطره وفى وسطيهم فا مش ها نخاف لما نجيب الا يخصنا من عندهم او عند غيرهم 
سعد على رايك هو ايه إلا مفهوووش مخاطره ... قولى بقى هو دا الا باسط ساعتك 
إنتصار ها تنقطنا
كلمه كلمه فرحنى بقى فرحت باخواتك كلهم الاربعه وانت مطلع عينيا 
خالد ماشى يا ست الكل هو فى واحده انا ارتحت لها وحسيت كدا لما شفتها نفسى اتفتحت للجواز 
سعد اوعى يكون البنت الا كانت مخطوفه مع مرات حسن ... طبعا مفيش غيرها فى الليله دى ... 
خالد ايوا هى 
سعد بعصبيه لا طبعا على أخر الزمن أجوز ابنى حتت بنت جارسونه وهى وامها مش لاقين ياكلووو انا عارف كل حاجه عنهم من ساعة ما بلغونى بالقضيه .. 
خالد وهى عيبها ايه غير انها فقيره متعلمه ومعاها تجاره انجلش وبنت محترمه ذنبها انها فقيره 
انتصار يعنى يا ابنى جواز اخواتك التلاته من أحسن ناااس فى البلد واختك كمان ... وانت رايح تبص تحت رجلك 
خالد انا ما بحبش طريقه الكلام دى احنا كلنا زى بعض مفيش فرق بينا ومش ذنبها انها فقيره او بتشتغل
سعد ولد أنت ها تنسى نفسك لا فوووق دا انا سعد الدين الا بتقف له رجاله بشنبات وهى بتكلمه 
انتصار اهدى يا سعد ابنك ما يقصدش وانت اتكلم عدل مع ابوك فاهم 
خالد انا أسف يا بابا بس بجد ماعرفش ان دى حاجه تفرق معاكووو غير انهارده 
سعد ها يفرق فى حياتك وتربية عيالك لازم يكون نسب تتشرف بيه مش تبقى مكسوف منه 
خالد هى دى الا ارتحت لها لو عايزنى اتجوز ولسا ها يبقى فى خطوبه انا مش مستعجل 
سعد قام اتصرفى مع ابنك عشان ما ازعلوووش ... ودخل اوضته .... 
انتصار ايه يا خالد دى أخرتها دا انا بجيب ليك عرايس قمرات وولاد ناس .... 
يعنى يا ماما دى مش بنت ناااس ما تشفوها..... كلموها ..... اتعاملو معاااه.... يمكن تعجبكم دى كانت ها ټموت عشان بتدافع عن واحده ما تعرفهااااش امال جوزها ها تعمل عشانه ايه .... انا ارتحت لها والشكل دا أخر همى وبردو هى حلوه وبنت نااااس وواضح انها محترمه مش بتقبل أى تجاوز معاها .....
انتصار لحقت فى الكام ساعه دول تشوف دا كله وتتمسك بيها 
خالد انتى ورتينى كام عروسه 
انتصار كتير 
انتصار لا 
خالد بس..... هودا ..... الحب قبول ..... الجواز قبول .....حتى الصداقه قبول.. .. قبل ما تكون مواقف انت مرتاااح للشخص دا ها تكمل معاااه مش مرتاااح ها تبعد يا ماما ... عشان خاطرى أثرى على بابا انا فعلا عايزها ..... 
انتصار مش عارفه أقولك ايه 
خالد قولى انك ها تساعدينى 
انتصار قامت مش ها اوعدك بس ها أحاول لانى مش مقتنعه بس فى الاول والاخر دى حياتك ودا أختيارك 
خالد ربنا يخليكى ليا يا ست الكل 
حسن عامله