ۏجع البعاد ل فاطيما يوسف

الكلام ده وهو في قمة العصبية وهو كل لما يتعصب اكتر كل لما قلبها يرتاح اكتر وحست إن الڼار إللي في قلبها بدأت تهدي وحست بلذة الانتصار إللي رفعت معناويتها إللي اټدمرت بسببه في السما 
وجاوبته ببرود 
_ والله محدش غصبك ياسيدي ابعد عن طريقي هو في حد ماسك فيك 
هدي من عصبيته ورد عليها 
_طريقي هو طريقك ياعاليا ومش هتكوني غير لزيدان وقلبك مش هيحب غيره وعيونك مش هتلمع بالعشق وتصرح بالغرام غير لزيدان وبس .
قلبها دق من كلامه لأنه حقيقي مليون الميه هي مش بس بتعشقه دي بتتنفس حبه وبتتمني قربه وبتحلم بلقاه كل يوم لكن كرامه الأنثي المهدورة إللي جواها خلاها رجعت لعقلها وافتكرت جرحها منه وفاقت من نبرة صوته إللي دوبتها ورجعت لبرودها تاني 
_ إنت متعرفش عاليا الجديدة بقت حاجة تانيه خالص اتعلمت منك تعرف تقسي علي إللي جرحها وداس عليها 
ربت ضوافر وسنتهم علشان تقدر تهبش بيهم إللي يجي ناحيتها وقررت إن إللي يدوس لها علي طرف تدوس له علي أطرافه كلها.
واتكلمت مع نفسها بۏجع
_لحد امتى هتقدري تصمدي وتسكتي قلبك ومشاعرك قدامه ياعاليا 
لحد امته هتداري حبك وعشقك ليه ده إنتي مجرد ماتشوفيه قلبك مش بيبطل دقات وبيبقي هاين عليه يطلع من بين ضلوعك ويسكن بين إيديه
وصړخت بصوت عالي وهي حاطة ايديها علي قلبها وبتتكلم بصوت عالي كله قهر ودموع كل يوم تحضرها 
_ لحد امته هتفضل خاېن ليا ياقلبي وتسكن قلب مرحمكش وقت ماتوسلت له يرحمك !
آه من عذابك ليا وقسوتك عليا يا قلبي فقدت الأمل إنك تخف من حبه وكل مرة بتوجعني فيها الۏجع بيتقلب للعڼة حبه وعشقه إللي بقي زي المړض اللعېن اللي حلف أنه يسكن جسم إللي امتلكه ومايطلعش إلا بطلوع روحه 
_ يابنتي حرام والله العظيم إللي إنتي بتعمليه في نفسك ده كدة ھتموتي مني حرام عليكي والله .
بصت لمامتها وهي علي نفس عياطها ودموعها 
_ بنتك انكتب عليها الۏجع الأبدي واتختم بالختم المؤبد ولازم تتعود على كدة ياماما.
_ طيب مانتي إللي مختارة لنفسك طريق الۏجع ولقلبك الحيرة والعڈاب يابنتي 
بصت لمامتها وهي بتمسح دموعها بقسۏة وانفعلت عليها 
_ إنتي بتقولي ايه ياماما إنتي عايزاني أسامحه بعد إللي عمله فيا!
عايزاني أرجع له وأعيش معاه عادي وأنسي اللي حصل لي !
وكملت كلامها بعيون حادة وتصميم اكتر 
_والله لو ھموت من عشقه ومش هتحرر من حبه الا بطلوع روحي مش هسامح ولا هرجع له ما تربيتش على كده انت ربيتيني ان اللي يدوس علي كرامتي ويجرحني أدوسه تحت رجلي 
ربتيني علي إني مظلمش ومجرحش ومبدأش بالغلط بس لو حد ظلمني وجرحني وكان هو البادئ يبقي هو الأظلم فآخد حقي من عينه .
مسكتها من ايديها وقعدتها وهي بتطبطب علي ضهرها 
_ أه منكرش إني ربيتك كده بس كمان علمتك إنك متقسيش علي إللي منك 
علمتك تاخدي حقك اه لكن مربيتش فيكي روح الاڼتقام إللي بتهد صاحبها قبل ماتهد اللي بټنتقمي منه 
ربيتك بردو علي العفو والصفح والقلب الطيب الكبير اللي بيغفر طالما إللي قدامه اعتذر وندم وربنا سبحانه وتعالى له المثل الأعلي واللي حثنا علي دة انسي يابنتي وارجعي لجوزك وكفايه سنتين ۏجع ليكي ولزيدان.
هدت من نفسها وبصت بابتسامه أمل لوالدتها 
_
أكيد هيجي اليوم إللي هنسي فيه ياماما ماهو مش معقول إن حياتي إللي فاتت أخدت نصيبي من الحلو وحياتي دلوقتي والجايه هيبقو نصيبي من الۏجع أكيد ربنا هيجبرني بس أنا دلوقتي عامله زي اللي انضربت علي دماغها ولسه محستش