خادمة قلبى جزء ثانى ل زهرة عصام

هودع حيات السنجل النهاردة 
بص ل مالك و قال 
ما تفرحلي يا جدع و تقوم تغني معايا كدا 
مالك بصله بقرف و قال 
والله إنت فايق و رايق وأنا بقي مش فايقلك سبني باللي أنا فيه مش كفاية خدتنا على خوانا و مخلينا نروح من غير حتي ما نحضر كلام يتقال في المواقف اللي زي دي 
مواقف زي دي اية يا مالك اومال لو مكنتش اتحطيت في الموقف دا مرتين قبل كدا كان اية حصل اخلص البس الله يسترك مش عاوزين نتأخر وانا حاسس رهف أصلا بتتلكك
بص حوليه و قال 
اومال فين وليد مش هيجي معانا ولا اية أنا مش عارف اي دا اومال لو مكنتش منبه عليه من امبارح و مفكرة الصبح ينوبك ثواب يا مالك روح استعجله على ما اخلص لبس و أحط البرفيوم الخصوصي بتاعي 
مالك نفخ من برود حازم و سابه و مشي و حازم بص عليه و قال 
الله وأنا عملت اية لكن دا مالهم مش فارحنين كدا لية والله يا واد يا حازم ليك الجنه إنك مستحملهم لا و كمان كنت فرحان ليهم في جوازتهم يلا مش مهم هخليني أنا الكبير 
مالك دخل على وليد اوصته لقاه قاعد سرحان راح جنبه و طرقع ايده قدام عينيه و قال 
في اية مالك و لية لسة مجهزتش 
وليد أخد نفس عميق و قال 
مش هاجي معاكم يا مالك 
مالك بصله و عقد حواجبه و قال 
نعم انت قصدك اية ب مش هاجي معاكم دي 
وليد بتنهيدة 
يعني منه دلوقتي مش هتبقي طايقة تسمع مني كلمه واحده حتي منال زمانها عملت الشويتين بتوعها و قعد تعيد و تزيد في اللي حصل و انتوا اللي اختارتوا يبقي محدش يجي يعيطلي و يقولي عملوا فيا و البت أصلا شايطة ف بعد الكلمتين دول هتشيط أكتر
مالك بص ليه و نفخ بضيق و قال 
غلط أكبر غلط كمان لازم تواجه مش تكش لورا يعني حتي زي ما بتقول إن منه دلوقتي مضايقة و شايطة لازم يكون عندك طاقة تستحمل الشاحنات السلبية اللي هتندفع منها مهما علمت عارف لية 
وليد بصله و مالك كمل كلامة 
عشان إنت غلطان يا وليد غلطت لما بصيت لواحده تانية و مراتك واقفة إنت كدا محترمتهاش في وجودها اومال من وراها هتعمل اية 
منه دلوقتي زمان جه في دماغها إنك پتخونها من زمان في السر و دلوقتي ربنا كشفك قدمها و پتخونها علني و قدمها كمان يعني إنت مش باقي على حاجه بينكم
وليد عقد حواجبه و قال 
بس أنا مش قصدي كدا يا مالك وإنت عارف أنا بحب منه و مقدرش في يوم أعيش من غيرها اينعم أنا بعترف إني غلطان و إني بتاع بنات و ببص عليهم و بريل زي الاهبل بس دا أخري والله و طبع فيا مش عارف اغيره حاولت كتير بس مش عارف أغيره ڠصب عني 
أنا عارف دا و عارف إن دا مش قصدك لكن منه عارفه منال عارفه الناس اللي بره عارفة 
تقدر تقولى لو منه سامحتك و رجعت ليك هتبص لينا تاني إزاي 
لو كان ناس كتير مثلا موجودة و شافوا اللي حصل دا هيبصوا ليها ازي 
أفهم يا وليد إن الحياة الزوجية محتاجه إنك تضحي بحاجات كتير أوي و محتاج إنك تتغير كمان عشان اللي بينكم مش مجرد قصة انكتب لا اللي بينكم أكبر من كدا بكتير اللي بينكم حياة حياة تستاهل إنكم تعشوها كويس من غير ما حد فيكم يجرح التاني 
مالك قام وقف و قال 
مالك خرج بعد ما رمي الكورة في ملعب وليد و نصحه يعمل اية 
احيانا
و وسط ظلمة كبيرة وسطت اضطرابات نحتاج إلي من يمسك بأيدينا من يرشدنا الصواب حتي لو بكلمه من يظهر لنا الأمور بطريقة مفهومة 
زهرة عصام
دخل على حازم عشان يشوفه بيعمل اية لقاه قاعدة ماسك موبايله و بيعمل وضعيات تصوير مضحكة بص عليه و هو رأسه بنفي بمعني لا فائدة
قعد على أول كرسي و قاله 
و بعدين 
حازم بص ليه و قال 
و بعدين دي أنا اللي المفروض اقولهالك يا مالك هتعمل اية عشان ترجع مراتك و بنتك مراتك حامل و خد بالك محتاجلك أوي
اينعم ملك عنيده و مش هتصرح بده بس هي من جواها بتتمني إنك تعمل كل حاجة عشان ترجعلك
مالك رفع حاجبة و قال 
هي قالتلك حاجة 
لا مقالتش حاجة و من أمتي و ملك بتتكلم عن اللي يزعلها يا مالك دي لو بتموو ووت كدا مش هتقول حاجة وأنا عارف وإنت عارف كدا يمكن ردود فعلهم العڼيفه شوية هي اللي بتخرج بيها الطاقة السلبية اللي جواها و دا شئ إنت عارفة من أول جوازكم علفكرة بس شكلك نسيت و محتاج اللي يفكرك
وإنت بقي اللي هتفكرني 
حازم بص ليه و ابتسم و قال 
أه يا مالك أنا اللي هفكرك و دا مش عيب علي فكرة مش عيب إني لما أشوف أخويا الكبير بيعمل حاجه هتبوظ حياته أكتر مهي بايظة إني أنبه اينعم أنا أصغر منك بس اسمع كلامي للآخر
ملك بتحبك و إنت بتحبها يمكن هي غلطت و الكل عارف دا و يمكن ردود افعاها عڼيفة و أوفر مش هنكر لكن طيبة و غلبانة مفيش حد فينا كامل كل واحد فيه حاجه ناقصه يمكن حيات ملك هي اللي أجبرتها تكون كدا و من رأي إنها تكون كدا احسن ما تكون ضعيفة إحنا عايشين وسط أقذر غابة إنسانية في تاريخ البشرية غابة القوي فيها بيدوس على الضعيف با ۏسخ جذمة فخليها قوية يا مالك قوية تعرف تأخذ حقها من بوق الأسد
هتكون مبسوط مثلا إن كانت البنت الكيوت اللي بتتحامي في راجلها و تتعر ض للاغتصا ب 
خد بالك اللي زي منال و عيالها دول مش بيهمهم حاجة عشان كدا الناس بتعملهم ألف حساب
زمان كان في حاجة إسمها فتوات 
ف يا مالك افضل أنها تكون الجانب القوي احسن ما تبقي الجانب الضعيف تكون الفتوة أحسن ما تكون من الطبقة الضعيفة 
عزيزي الذكر أتركها أن تكون العنصر القوي أن تكون الجانب الأكبر أن تكون الفتوة أفضل أن تكون من الطبقات الضعيفة 
يمكن تشوف إن كلامي كبير شوية أو حتي عاقل بس خد بمقولة
يوضع سره في أضعف خلقه 
شوف هتعمل اية عشان ترجعهم يا مالك عشان ولادك قبلكم إنتوا الاتنين عشان يستاهلوا يعيشوا وسط أهلهم مضيعش يوم من حياتك يدونهم يا مالك عشان إنت لوحدك اللي هتخسر
الفصل الحادي عشرالاخير بقلم زهرة عصام
كانوا قاعدين منتظرنهم و السكوت هو سيد الموقف منال كل شوية تبص في الساعة و تبصلهم لحد ما رهف قالت مرة واحدة
وحدوووه في اية قاعدين زي المطلقين كدا لية 
ملك بصتلها و قالت بضحك 
و زي لية يا حبيبتي ما أنا مطلقة فعلا
رهف بصتها بغيظ و قالت 
مهو كله من غباء أمك لامؤاخدة يا منال
منال بسخرية 
لامؤاخذتك معاكي يختي 
رهف بصوا بقي نتفق اتفقاق الجاتو اللي هيجي بتاعي جاي على اسمي يبقي حجي أنا قولتم ايية 
ملك كانت هتتكلم لكن قاطعتها ملوك اللي قالت 
لا بتاعي أنا حازم هيجيبه ليا أنا وانتي مش هتاكلي منه حاجة
رهف بغيظ 
إنتي طالعة ببطن لمين يا بت أمك و ابوكي مش كدا
ملك بسخرية 
خالتها رهف كدا 
رهف بابتسامة 
اذا كان كدا ماشي هنقسمة أنا وانتي و مش هنديهم اتفقنا
ملوك فكرت ثواني و قالت
اتفقنا
منال بصت ليهم و قالت 
اسمعي يا رهف الكلمتين دول و اسمعوا إنتوا كمان يمكن تنفعوا جوزك و بيتك هم أولوياتك مينفعش تبدي حاجة عليهم الراجل لو بص بره بيته يبقي تأثير من الست 
قالت كلامها و هي بتبص ل منه وكملت تشوفي اية اللي ناقص فيكي و تكمله عشان جوزك ميبصش لغيك بصت ل ملك و قالت 
لو جوزك جه في يوم زقهان و زهق عليكي من غير سبب حتي لو انتي مش غلطانة تسكتي و تعدي الموقف متقفيش كلمة بكلمة قصاده كدا هتكبري المشكلة احتوي الموقف و قصري لسانك مش هتقف لبعض على الواحدة 
بصت ليهم التلاتة و كملت زي ما هما غلطوا و الغلط راكبهم من ساسهم ل رأسهم إنتوا كمان غلطوا ومعرفتوش تحافظوا على بيوتكم سر بيتك بيتك إنتي و جوزك في اوضيتكم تتخانقوا تتصالحوا فيها محدش يسمع بيكم اللي حصل دا كله لية مش عشان مالك اټخانق معاكي قدمنا إزاي يزعقلك قدام اخواته دي عدم تفكير منه كان المفروض اخدك اوضيتكم و اتكلمتوا مع بعض بدل العرض المسرحي
اللي طول دا 
و إنتي يا ست حلويات جوزك بص لواحده و عاكسها اقفشي عليه اغريه و نايميه على كنبه مش كل حاجه ألم هدومي و أخرج بره البيت حتي لو أنا قولتلك كدا 
خلاصة الكلام كل واحدة هترجع مع جوزها النهاردة تتصافوا ما بينكم و مدخلوش حد تاني بينكم حتي لو كنت أنا
رهف بغباء 
وأنا يا منال هروح مع حازم زومي النهاردة برضوا ولا دا لعيالك اللي مش فالحين غير في النكد بس 
لا يا حبيبه منال إنتي هتاخدي بالشبشب لحد ما تشبعي قال عاوزة تروح مع حازم قال يختي اتقلي طلعي عينه شوية في الخطوبة 
اتقل اية يا منال دا أنا لو أطول أروح معاه دلوقتي هروح مشفتيش الواد موز ازي يخربيت جماله
منال قلعت شبشبها و حدفتها بيه و قالت 
شيلوا الزفتة دي من قدامي والله المرارة مش ناقصة 
آه يا منال بوظتيلي المكياج اقابل إزاي الواد كدا طب مش هتاكلي جاتو
منال لسة هترد عليها لقت الجرس بيرن بصت ل ملك و قالت 
قومي افتحي الباب
ملك قامت تفتح و قالت قبل ما تمشي 
ماشي يا منال ماشيييي
ملك فتحت الباب و ضحكت بتصنع و قالت 
أهلا وسهلا اتفضلوا
حازم دخل و قال 
يزيد فضلك يا أم العيال 
وليد دخل بعده من غير كلام و مالك و قف قصادها و الباب بينهم بقي بيصلها بإشتياق و قال بصوت حاني ضعيف غلب العليه الشوق 
ازيك يا ملك عاملة اية 
ملك بصت ليه و عنيها ملت دموع وقالت 
كويسة 
مستنش يقول اي حاجة تاني و دخلت بعد ما دموعها خلاص كانت هتنزل 
مالك نفخ بضيق و دخل جوه لقي منال قاعدة و على يمينها البنات و على شمالها الشباب
بصلها بخجل و انضم للشباب
حازم كان قاعد في النص فنغز وليد و قال في سره 
اتكلم يا وليد 
وليد بصله و همس 
أتكلم اية هما أصلا مش طايقيني إنت مش شايف بيبصولي إزاي خلي مالك يتكلم أهو هو الكبير
حازم نغز مالك و قال 
اتكلم يا مالك شكلنا وحش خالص دا منال شوية و هتنام