خادمة قلبى جزء ثانى ل زهرة عصام

الجزء الثالث من خادمة قلبي
رواية خادمة قلبي الجزء الثالث
الفصل الاول
بقلم زهرة عصام
ملك شافت منال بتزعق و كانها بتخرج غلبها في وليد فقالت كلمة خلت الصدمة تبان على وش الكل و وليد قال پصدمة
إنتي قولتي اية 
ملك بصت ليه و قالت بجدية 
زي ما سمعت خد مراتك و إبنك و امشي من هنا يا وليد 
منال بصت ليها و قالت بحدة 
إنتي اية اللى بتقوليه دا يا ملك ياخد مين معلش منه مش هتمشي من هنا و هو اللي هياخد بعضه و يروح يقعد مع أخوه
حولت نظرها ل وليد اللي باصص ليها بضيق و قالت 
هو كدا اللي يعمل الصح يبقي وحش في نظركم عاوزين إنتوا تغلطوا و محدش يحاسبكم مجتمع ذكو ري متعفن يعني أخوك يطلق بنتي و انت عاوز تاخد التانية لا و ألف لا و غور من وشي بقي عشان مش طايقة أشوف حد من طرفه 

ملك بصت ل منال بحاجب مرفوع و قعدت على طرف السرير و هي بتقول 
أهدي على نفسك شوية يا منال مش كدا هيطقلك عرق يختي و بعدين إنتي مش لايق عليكي دور حقوق المرأة و الكلام دا 
بصت ليها و قالت بخضة 
كنت أوفر أوي يعني
ملك هزت رأسها بايجاب و قالت 
أوي أوي يا منال 
أخدت نفس و كملت 
بصي يا منال مش معني إن أنا و مالك إطلقنا يبقي وليد و منه ينفصلوا كدا منه لسة والده يا منال و محتاجة وليد جنبها انتي جربتي قبل كدا و عارفة إحساسها 
حتي وليد عاوز يبقي جنب مراته و إبنه و أكيد انتي مش هتحرميهم من دا عشان كدا غلط و حرام يا منال 
أنا عارفة و متأكدة إن أنا و مالك كدا كدا هنرجع لبعض بعد يوم بقي شهر سنه وقت ما ربنا يأمر هنرجت لبعض عشان كدا عاوزة منك متخليش الفجوة تكبر بين العيلة كلها سيبي منه تروح مع وليد 
منال أخدت نفس و قالت ل ملك بغيظ 
من أمتي العقل دا يختي أنا مش متعودة منك على كدا 
بصت ل وليد و قالت 
خد مراتك و إبنك و امشي يا وليد بس بشرط
وليد الابتسامه اللي كانت على وشة اختفت و قال پخوف 
إستر يا اللي بتستر شرط اية دا يا منال 
منال قالت بخبث 
هتاخد بنتي و إبنك بس مش في الفيلا في شقة غيرها تكون خاصة بيكم
وليد قعد من صډمته و قال 
إنتي عاوزة تبعديني عن أخواتي يا منال طب لية إنتي بطلبك دا هتعملي فجوة كبيرة بينا لا طبعا مش هينفع أبعد عنهم 
منال بصت ليهم بحاجب مرفوع و قالت بحزم 
و بنتي مش هتروح مكان أمها إنطردت منه وإلا اية يا منه 
منه بصت ليهم و زفرت بحيرة الاتنين حطوها في اختيار صعب أمها إللي مالك غلط فيها و وليد اللي هي فعلا محتاجة ليه و مش قادرة تبعد عنه بصت ليهم و بصت ل ملك تنقذها من الموقف دا 
الحيرة بقت مسيطرة عليها لكن فعلا منال معاها حق إزاي تدخل المكان اللي اتوجهت ليهم إهانة فيه مهي الإهانة مكنتش ليهم لوحدهم كانت ليها هي كمان بصت ل وليد و قالت 
ماما معاها حق يا وليد 
وليد بصلها پصدمة و قال 
إنتي عاوزني اسيب اخواتي يا منه عاوزة كل واحد يشوف التاني يديلة ظهرة انتي مكنتيش كدا انتي عارفة اللي إنتي عاوزاني اعمله اية اتخلي عن مالك و حازم 
منه بهدوء 
بس أنا مقولتش كدا يا وليد 
وليد بصلها بوجه خالي من المشاعر و قال
يعني إية ! 
منه بصت ليه و قالت 
يعني أنا مطلبتش منك تتخلي عن أخواتك ولا منال طلبت منك كدا كل اللي حصل إن مالك أهان أمي يا وليد و إهانة أمي تبقي إهانة ليا أنا و ملك مش هقدر أدخل البيت اللي اتوجهت لينا إهانة فيه إحنا مش بتقولك اتخلي عنهم بالعكس إنت لو عملت كدا أنا هسيبك إنت هتكون معاهم علطول الفرق إنك بدل ما تباب معاهم في الفيلا هتبات معايا أنا و إبنك في شقتنا
وليد بصلها و قال بجدية 
قصدك إن إنتي اللي هتنفصلي عنهم لحد ما نشوف حل يرضي الكل مش أنا 
منه إبتسمت و قالت 
أيوة هو دا قصدي يا وليد أنا مش هعرف أتعامل مع مالك و هو مزعل أمي و أختي
ملك بصت ليها بقرف و قالت 
و النبي ملكيش دعوة بأختك خليكي في حالك و عيشي يا منه أنا عارفة خطواتي الجاية اية و مالك دا هخليه يندم ندم عمرة بس صبرا
منه بصت ل وليد و قالت بتوتر 
أنا مش متفائلة دي حاطة حاجة في دماغها يا وليد 
وليد بلع ريقة بصعوبة و قال 
ربنا يستر 
بصلها و كمل يلا قبل ما أمك تغير رأيها
منال إتلفتت حوليها و قالت 
مش عارفه لية حاسة إن في حاجة ناقصة 
البت رهف راحت فين 
دخلت اوضيتها تاني تبص علها ملقتهاش كانت هتخرج
لكنها سمعت صوت جاي من تحت السرير
رهف بدون وعي 
ششششش بس يا أوباش سبوني أنام الإنسان تعبان أوي يعني
منال شاورت على نفسها و قالت 
أنا أوباش دا إنتي نهار أبوكي أسود يا بنت الصرمة قومي يا بت قومي بدل ما هشيل المرتبة و هنزل فوقك دماغك بإيد المقشة
رهف صحيت و جت تقوم خبطت في السرير فصر خت و هي بتقول 
حسبي الله حسبي اللللله
ملك جت جري تشوف في اية لقت منال علي الأرض باصة تحت السرير و بتزعق ل رهف 
منال اطلعي يختي اطلعيلي انتي فاكرة نفسك في سجن خمس نجوم نايمالي تحت السرير
رهف بتتاوب و بتقول 
الله يا منال مهو لازم الواحد يأمن نفسيته انكري إنك كنتي جاية تعلمي عليا عشان وليد بات مع منه 
منال ضحكت بسخرية و قالت 
لا يا روح امك أنا مش جاية أعلم عليكي أنا جاية اربيكي من أول و جديد اطلعيلي بدل و أقسم بالله نهارك هيبقي اسود زي قرن الخروف بالظبط
رهف بتعناد معاها و بتقول 
و انتي إيش عرفك إن قرن الخروف أسود يا منال مش يمكن بنتي محروق انتي أصلا شفتي خروف قبل كدا 
منال بسخرية
لا مشفتش بس شفت معزة هبلة كانت كل ما تعوز تنام تنزل تحت السرير
رهف ردت عليها و قالت 
لا كانت لازم تكشفي عليها و تضر بيها عشان 
سكتت لحظة و قالت 
إنتي قصدك بالمعزة دي أنا يا منال صح 
منال پشماتة إصمالله عليكي يختي بتجبيها و هي طايرة
سابتهم و خرجت و هي بتقول 
عليه العوض ومنه العوض فيكم يا شوية أوباش
رهف خرجت رأسها من تحت السرير و قالت 
الدار أمان يا ملك وإلا أكمل نوم أنا مش ورايا حاجة خالص 
ملك ضحكت و قعدت على السرير و قالت 
أخرجي يا هبلة و قوليلي ډخلتي تحت السرير لية و إزاي 
رهف خرجت و قالت 
هو اللي يعيش معاكم كدا مينبوش غير أنه ينام تحت السرير إسمعي يا ستي 
بعد ما منال قفشت منه و وليد مع بعض و زعقت و صوتها جاب لآخر الشارع
طبعا عشان أنا نومي اخف من النملة
ملك قطعتها و قالت 
أخف من اية لامؤخذة 
رهف بطلي تقاطعيني و كملت
أخف من النملة صحيت على الصوت و قعدت الطم يمين و شمال بصيت في الأوضة على حته تتاويني بعيد عن عين أمك ملقتش غير السرير نزلت تحت و القعدة طولت فنمت 
ملك بصت ليها بزهول مصطنع و قالت 
ياااه كل دا حصل تعبتي يا بنتي والله
رهف بتأثر مصطنع 
عشان تعرفوا أنا بضحي عشان خاطركم ازي 
بصت ليها و قالت بجدية 
قوليلي يا ملوكه ناولة تعملي اية مع مالك 
ملك سرحت و قالت 
كل خير يا رهف يا حبيبتي كل خير
الفصل الثاني
بقلم زهرة عصام
مالك كان في الشركة مخڼوق قرر يعمل بنصيحة الدكتور سامر و يفصل عن الدنيا كلها
في الوقت دا كان حازم جه الشركة دخل مكتب مالك علطول و قال بلهفة 
إنت طلقت ملك بجد يا مالك هي قالتلي بس أنا مش مصدق 
مالك زفر بضيق و قال 
أيوة يا حازم اتطلقنا و أنا دلوقتي مسافر محتاج أبعد عن الكل شوية 
حازم واقف مصډوم و قال بعصبية خفيفه 
تبعد عن الكل عن مراتك و عيالك دي حامل يا مالك فاهم يعني اية حامل 
و إنت جاي بكل بساطة تقولي هسافر و ابعد عن الكل عن مراتك و بنتك اللي مش عارفين اية اللى فيها إنت كدا أناني يا مالك 
مالك بص ليه و قال ببرود 
يا عم أنا أناني سبني بقي و كمل بزعيق 
إنتوا ايية مبتحسوش أنا مش مخڼوق مش طايق نفسي ولا طايق حد مستخسرين فيا اليومين اللي هاخدهم لنفسي مين فينا دلوقتي اللي أناني أنا وإلا إنتوا
أخد نفس و بصله و قال 
بص يا حازم أنا تعبت و قرفت من كل حاجة حوليا حرفيا معتش عندي طاقة أكمل ولا حتي ابص في وش أي حد أنا محتاج دا محتاج أبعد أعيد تفكير من جديد يمكن وقتها اقدر أرجع اللي راح أو على الأقل أشوف حل يرضي كل الأطراف
حازم بص ل مالك و ركز في وشه شاف معالم الإرهاق على وشة سواد تحت عينه أيقن فعلا إن أخوه بيمر بفتره سيئة جدا في حياته و قال في نفسه 
أنا إزاي أناني كدا إزاي بطلب منه يفضل و هو أصلا مش عارفه هو عاوز اية فعلا مالك محتاج يبعد محتاج إن مراته و بنته يوحشوه عشان يعرف قميتهم محتاج يركز في كل كلمة خرجت منه و يحاسب نفسه عليها مالك لازم يعرف غلطه فين و يعرف اللي لية واللي عليه و لو البعد الحل لدا كله ف مالك لازم يبعد
بصله بصمت و أخد نفس عميق و قال 
إبعد يا مالك ابعد عشان تلاقي نفسك التايه دي إنت فعلا محتاج هدنه و لو البعد هيخليك تفهم الأمور بشكل أوضح ف ابعد و متقلقش على الشغل في إيد أمينه
يخويا
شكرا و خد بالك من ملوك و ملك يا حازم 
حازم بصله بعتاب و قال 
بتوصيني على أختي و بنتي يا مالك سافر إنت و ملكش دعوة بيهم في عنيا يا حبيبي
مالك أخد نفس عميق و غمض عينه لحظة و فتحها تاني و خرج من مكتبه 
الموظفين كلهم مستغربين الحالة اللي فيها مالك و كلهم بيبصوا ليه بشفقة
مالك ركب عربيته و قبل ما يتحرك أتصل بوليد و قال ليه أنه مسافر و وليد أعترض و قال له 
يعني مش هتحضر سبوع مالك الصغير 
مالك بص في التليفون و قال في نفسه 
معلش يا مالك إستحملة زي أخوك برضوا
حط التليفون على ودنه تاني و قال 
لا إن شاء الله هاجي سلام دلوقتي