أول تعليق ل هشام عاشور عن انفصاله من نيللي كريم

هشام عاشور يكشف أسباب انفصاله عن نيللي كريم هتفضل حبيبتي طول العمر 
نيللي كريم و هشام عاشور صورة أرشيفية
كشف الفنان هشام عاشور حقيقة تسبب أبناء الفنانة نيللي كريم في انفصالهما الذي حدث منذ أيام.
وقال هشام عاشور في لقاء خاص مع الإعلامية نهال طايل ببرنامج تفاصيل المذاع على قناة صدى البلد 2 إنه مازال يكن كل الاحترام والتقدير لطليقته الفنانة نيللي كريم أنا مش حاسس أنها طليقتي وليها كل الاحترام والتقدير وهتفضل حبيبتي وهنفضل أصدقاء وده كلام مفروغ منه ومش كل الناس اللي بتطلق الحب بيختفي لكن بيحصل تقصير في بعض الأمور وكان واضح أننا هنوصل لطريق الانفصال.

وكشف هشام عاشور حقيقة أن أبناء نيللي كريم السبب في الطلاق قائلا كلام غير حقيقي الولدين أصدقائي والبنات أيضا شائعات كثيرة مش هقول من صحفي لأنه بيبقى عنده أمانة مهنة لكن دول ممكن يبقوا من الشباب اللي بتروح الجنازات ويصوروا ويقولوا أي كلام عشان يعملوا مشاهدات.
وتابع الفنان هشام عاشور أنه قبل زواجي من نيللي كريم وجدت بها طيبة مختلفة مؤكدا أنه عندما عرضت عليها الزواج وافقت وبعدها أتقال إني محطوط في خانة إني زوج نيللي كريم.
وأشار هشام عاشور إلى أن نيللي كريم حقانية ومش مجاملة وقالت إن زواجها مني ضرني أكثر من إفادتي مؤكدا أن نيللي كريم عمرها ما رشحتني في أي عمل فني ليها.
علق الفنان هشام عاشور على الحديث المستمر عن ملابسه قائلا بصحى الصبح بشوف نفسى في ليس معين وشكل معين انا انسان عادى جدا بيحب الجمال ليه الناس متابعة حاجة زي كدا الأفضل نشوف كل واحد شاطر في إيه ونطوره.
ونصح هشام عاشور الجميع بالاستثمار في تطوير مهاراتهم معقبا متبخلوش على نفسكم في تطويرها.